الشيطان يعظ ( الجزء الثاني )

الفصل الاول البشر انواع نوع عايز ياخد الي هو عايزه و ده اسمه (استغلالي) نوع تاني عايز ياخد بس ياخد اي حاجه مهما كانت مش مهم ايه هيا محتاجها او لا و النوع ده اسمه (صعران) نوع تاني عايز يدي و يدي بس بدون حساب او ياخد حاجه في المقابل و ده اسمه (طيب) البشر انوع مش ذكر و انثي لا البشر كتير جدا و مهما كنت مش ها تعرف تحصيهم كلهم بس الشاطر الي يعرف الي قدامه عايز ايه و يعمل تبادل مصلحه معاه و ده النوع الرابع اسمه (الذكي) بدايه الفصل سحر : حبيبي يا ميزو بس انا معايا ضيوف ممكن نتكلم بعدين انا : اه اوكي اسف يا جماعه على الازعاج ده (بصيت على الكراسي) عماد السراجي منور القريه كلها عماد : انتا بتعمل ايه هنا و هو انتا هنا ازاي سحر : (بصت في الكارت بتاعه كويس) انتا عماد السراجي عماد : ايوه (بص ليا) انتا بتعمل ايه هنا يا مازن سحر : مازن بيه الخديوي ابني عماد : ابنك نعم ازاي انا : ايه الي ازاي عادي سحر : (قامت من على الكرسي بتاع المكتب و جت وقفت جنبي اخدت بوكيه الورد) شكرا يا حبيبي تقدر تكمل الاجتماع ده انا : طبعا اكمله سحر : شكرا يا حبيبي (طلعت بره) انا : (قعدت على الكرسي بتاع المكتب و اخدت بالي ان يسري معاه) اهلا يا يسري عامل ايه يسري : (وشه اصفر و شكله عايز يعيط) تمام انا : (قعدت و حطيت رجل على رجل بس عدلت الكرسي بزاويه) خير عماد : انتا بتعمل ايه هنا و سحر هانم امك ازاي انا : مش لازم تعرف ازي خير جي ليه لو اني اشك انك جاي في خير عماد : (بصوت عالي) اتكلم عدل ياض انتا انا : (لسه قاعد في برود ولعت سيجاره) انتا الي تتكلم عدل انتا على ارضي و في ملكي يا تتكلم عدل يا تروح مكان ما جيت بس انا عاذرك انتا مش فاهم حاجه خليل خليل : (دخل المكتب) ايوه يا مازن بيه انا : تحجز لي عماد و يسري كل واحد افخم جناح عندنا يرتاحه و بكره نتكلم و حسابهم مدفوع اصل عماد غالي عندي اوي اوي اوي (كلمت عماد بنفس البرود) اتفضل مع خليل يا عماد ترتاح و بكره نتكلم و لو اني اشك انك قاعد لحد بكره (لفيت الكرسي و عطتها ضهري) عماد : ماشي يا مازن طلع عماد و يسري مع خليل و انا قعدت مكاني شويه افكر عماد بيعمل ايه هنا و جاي علشان ايه قومت رحت عند الشط كانت سحر قاعده مع واحده ست شكلها مش غريب عليا شوفتها قبل كده سحر : تعاله يا حبيبي انا : (بوست ايدها) لسه زعلانه مني يا ست الكل سحر : وله اقدر يا نور عيني تعاله انتا اكيد فاكر جيهان هانم مرات رشوان بيه انا : اهلا و سهلا يا هانم جيهان : عامل ايه يا مازن تمام انا : انا تمام جدا سحر : دي بنتها هايدي هايدي : (بنت رشوان الوحيده و سنها 19 سنه ) هاي انا : هاي سحر : عملت ايه انا : سيبك من الي عملته قولي ايه رايك في الورد سحر : تحفه بس انا كده ها تعود على الدلع خلي شويه لي مراتك المستقبليه انا : انتا تأمر يا باشا و انا ادلع و بعدين مراتي ايه بس الي ادلعها انتي اهم منها جيهان : لا انتا كده بتغلط الي مش بيدلع مراته حياته تبقي صعبه و تنكد عليه انا : تنكد و انا اخونها عادي سحر : هههههه يا واد لو قفشتك تزعلك انا : لو قفشتني بقي اميره : ياخي اقعد انتي لاقي واحده تبص عليك سحر : لقي ايه بس هو يدخل الجامعه و تتف*جي على البنات بس ده مازن الخديوي انا : اد اضحكم على اميره امبارح انا كنت مزعل سحر تقوم اميره تعمل ايه تجيلي الاوضه و هيا لبسه لبس جيش و عمله خطين سود تحت عنيها و تخدني بو** ابن لازينا الكل فطس على روحه من الضحك على اميره و هيا نفسها قعدت تضحك انا : ههههههه لا انا وشي باظ فعلاً منها بترسين : (دخلت علينا ) صباح الخير انا : صباح النور يا قمر ايه كل ده نيمه بترسين : اسفه نمت متأخر بليل انا : طيب اقعدي بترسين : صباح الخير يا سحر سحر : (مبتسمه في وشها ابتسامه صفره) صباح النور انا : ايه ها نلعب ايه النهارده بترسين : انا عندي تحدي لو قدرت تعديه اشطا لو خسرت فيه خلاص اتفاقنا للاغي انا : و انا جاهز للتحدي بترسين : قولي انتا ليه قاعد في جناح مع سحر و اخواتك انا : علشان مينفعش اسبهم لوحدهم بترسين :ولا بتخاف تقعد لوحدك انا : لا عادي بترسين : لا مش عادي يا بتخاف يا قاعد معاهم علشان بتحب قعدت الستات انا : مفيش احلي من قعده الراجل وسط الستات بيحس انه هارون الرشيد كده او شهريار بترسين : مين دول انا : دول حكام عرب ابقي اجبلك القصص بتعتهم تقريها بترسين : ماشي يا سيدي بس التحدي هو انك تقعد لوحدك طول الشهر ماشي انا : بس الشروط انا الي بحطها بترسين : (بغرور) انا وافقت على اللعبه بدون ما اعرف الشروط خلاص وافق انتا كمان انا : (ابتسمت لما حسيت انتي تأثيري بداء يروح هيا كده فاقت و بدأت تلعب معايا و بلاش تستغرب علشان هيا فعلاً لعبه) موافق خليل : (جالي) مازن بيه انا : ايوه يا خليل خليل : في واحد بيراقبك انا : مين هو خليل : واحد من الي كانه معاك في المكتب انا: يبقي يسري سحر : خليل خد الاتنين على مكان هادي علشان نتكلم معاهم بدون شوشره انا :لا سبهم بترسين: تحب اطلب الحرس انا :لا انا عارف بعمل ايه سبوهم هما بس بيلعبه مش اكتر هند: انتا بتلعب كتير ليه انا : علشان الدنيا دي لعبه خليل خليل : امورني انا : سبهم تمام و محدش يتعرض ليهم خالص خليل : طيب ازود الحراسه انا : لا اتصرف طبيعي خليل : تمام يا كبير (مشي) بترسين : لو حابب في بلاك سايد (ده مكان تبع المخابرات لو دخلته مش بتطلع و اسمه موقع اسود بس علشان الي بيتعمل فيه) هنا في سيناء نصف ساعه و يكونه هناك انا : انا مش محتاج حاجه من حد هايدي : مامي جيهان : ايوه هايدي : عايزه اروح المول الي جنب القريه جيهان : ماشي يا حبيبتي يجي الجرد و ياخدك سحر :و ليه جرد مازن موجود انا :لو ليها مشاكل في بولاق انا معرفش حد هناك مع اول قلم هاجري سحر : هههههه بس يا واد انتا سيد الرجاله انا : حبيبي يا رافع معنوياتي سحر :طيب خدها المول و لو حابين تروحه الملاهي ماشي انا : (بصيت لي اميره هيا بصت بعيد) طيب تعالي معايا يا بترسين بترسين : اوكي انا : اتفضلي يا هايدي (بصيت لي سحر بصه خنقه) يله طلعنا بره ركبنا العربيه و خليت الرجاله مكنها و رحنا المول في مشهد اخد عماد في الجناح بتاعه كلم ابوه و عرف منه الحكايه عماد :ازي يا ابويا دي مصيبه حسن : خلاص هو طلع من حياتك عماد : طلع ايه ده غرز اكتر حسن : كيف يا ولدي عماد : حمايه عايز يشارك سحر الخديوي في شغل و مازن ابنها و من كلامهم مع بعض انها بترميني في سكته حسن : و انتا حماك يعمل ايه بسحر الخديوي حماك محتاج شركاء عماد : لا بس الشغل مع سحر الخديوي بالنسبه ليه حياه او موت حسن: مش عارف يا ولدي عماد: طيب يا ابويا سلام دلوقتي حسن : سلام قفل معاه و يسري خبط على الباب قام فتحله عماد : ها ايه الي حصل يسري : سألت الناس هنا في القريه علي مازن و عرفت الحكايه و راقبته شويه عماد : حد من الحرس بتوعه حس بيك يسري : لا شكلهم منظر عماد : بعدين يسري : سألت هو قاعد مع مين عرفت انه قاعد مع امه و اخواته و بنت رايس ديوان رأسه الجمهورية و مسز بترسين و بعدها طلع ركب العربيه بتاعته و معاه بنت رايس الديوان و مسز بترسين عماد : (وشه احمر من الغضب) طيب يا يسري امشي انتا روح ليه قوله اني عايز اتكلم معاه هنا في الجناح بليل ماشي يسري : ما بلاش انا عماد : يا تروح ليه يا اعرفه انك الي حطيت الم**رات ليه ها تروح وله تقعد يسري : (حس انه في ورطه و خايف اني اكون عارف ساعتها ها قتله او مكنش عارف و عماد ساعتها يعرفني) طيب المشهد الريسي في المول مع بترسين و هايدي بس هيا دخلت محل تجيب حاجه و انا واقف بره مع بترسين بنتكلم بترسين : هيا سحر مش طيقاني ليه انا : هيا مش طايقه حد النهارده بترسين : ليه كده انا : مش عارف الصراحه بس ايه الحلاوه دي بس بترسين : شكرا انا : بقولك ايه انتي ماشيه من غير حراسه تيجي اخ*فك زي امبارح بترسين : طيب سبلي فرصه اخ*فك انا النهارده انا : لالالا انا مش قد كده قمر عايز يخ*فني انا اتخ*فت خلاص بترسين : ( ضحكت بصوت عالي) ههههههه ماشي هايدي : (طلعت من المحل) انا خلصت ممكن نرجع وله انته عندكم مشاوير انا : لا شوفه انتم الستات عايزين ايه و انا معاكم انا صايع اساسا بترسين : طيب في محل كتب هنا ممكن تشوفلي كتب الناس دي هارون الرشيد و كمان شهريار انا : بس كده تعالي اتفضلي يا هايدي هايدي : اوكي دخلنا محل الكتب و دورت على الكتب دي و لقيت كتاب بحبه اسمه المأمون (الي ميعرفش المأمون هو حاكم عربي بس السيره بتاعته فيها حاجات كتير جدا مهمه و الي ميعرفش الكتاب ده فيته كتير جداً) حسبت انا و لقيت مجله ميكي اخدتها (و ده حصل حقيقي انا بحب لغز ميكي جدا) بعد كده رجعنا تاني القريه قعدنا على الشط شويه قعدنا نهزر مع بعض و اميره ترخم عليا و هيا رخمه اساسا ابو التوئم على خلفتهم حقيقي قعدنا و بعد كده كل واحد رجع الاوضه بتعته و انا دخلت غيرت هدومي و اخدت دش من ملح البحر و نزلت تحت و اتجمعنا كلنا نتغدا مع بعض جيهان : مازن انا : ايوه جيهان : بتفكر في ايه في حياتك انا : الصراحه مش بفكر جيهان : ازاي حد مش بيفكر في حياته انا : انا انا مش بفكر في حياتي دلوقتي بس بحاول افكر سحر : سيبك منه ده خبيث مازن بيفكر في بزنس كويس اوي و مربح مازن مش بيعرف يبطل تفكير نغم : القرد في عين امه غزال انا : معلش يا نغم طول عمرها شيفاكم غزلان اخد شويه انا اميره : بوم بوم في منتصف الجبهة يا ولد يا لعيب ايش تسوي انا : حبيبي قلبي يا معلق الهجمات الجامده واحنا قاغدين خليل مشي عليا و معاه يسري خليل : الشخص ده عايز يقابل حضرتك انا : (لسه باصص في الطبق) خير يا يسري يسري : حضرتك عرفت منين انه انا يا استاذ مازن انا : مش محتاج اعرف يا يسري العشره تحكم و بعدين انتا تروح مهما تروح و ت**ب لسه بتحط نفس البرفان المعفن بتاعك ها قولي جاي ليه يسري : عماد بيه عايز يتكلم مع حضرتك في الجناح بتاعه بليل انا : قصدك الجناح الي قاعد فيه في قريتي صح يسري : صح انا : طيب يا يسري انتا طول عمرك عارف يا بابا انا مش بروح لي حد هو يجيلي يسري : بس كده عماد بيه يزعل انا : خليل خد يسري في ايدك خليل : (خبط على كتفه بقوه) يله يا حماده (مشي به شويه) عماد مين الي يزعل يتفلق ده الباشا الكبير هايدي : هو انا ممكن اسألك على حاجه انا :اتفضلي هايدي : مش خايف يعني انتا بتتعامل مع البزنس على انه لعبه غير كده ماشي من غير حراسه خليل بس لو انتا شايف اني البزنس لعبه فا ممكن تخسر انا : انتي بتلعبي ببجي هايدي : ايوه مين مش بيلعب ببجي انا : انا عادي طيب انتي عارفه اني في ناس بتلعب اسمها نوب صح معناها ايه الكلمه دي هايدي : معناها انه اول مره يلعب و بيخسر انا : تمام انا لعبت زمان و بلعب دلوقتي و هفضل العب علشان انا بحب اللعب اوي بس الفرق اني خلاص مش نوب اتعلمت و بعدين انا مش بخاف امشي بحراسه ليه هايدي : يعني انتا مش خايف حد يجي يقتلك انا : لا و خلينا ناكل علشان انا جعان جدا سحر هاتي كوفته سحر : امسك انا : يا ستي الكبيره بطلي بخل بترسين : دي انا : ايوه دي بترسين : اتفضل انا : تسلم ايدك يا قمر ياه كوفته جيبه كوفته بترسين : انا كوفته هند : لا كوفته ايه بس اوعي تغلطي الكوفته قعدنا ناكل و احنا بنهزر بعد كده سبتهم و رحت قعدت في التراس على البحر و معايا عده القهوه خليت خليل فضي المكان كله و عماد جالي مع يسري قعده عماد : اديني جتلك انا : تاني مره لما تقعد قدامي تستأذن ماشي يسري اعمل اتنين قهوه يسري : (بص ليا شويه) انا : ايه مش بتعرف انا علمتك كويس انتا بقيت صنايعي برستا على ايدي عماد : اعمل القهوه يا يسري يسري : (بص في الأرض) حاضر (مد ايده على كيس البن و فتحه عمل فنجانين) انا : حبيبي تسلم يسري : (لسه بيلقم الكنكه علشان يعمل قهوه لي عماد) انا : (طفيت سبرتة القهوه و قفلت الكيس) معلش اصل ده بن الملكي مش اي حد يشربه خير عايز تشوفني ليه عماد : علشان نتكلم انا : في ايه عماد : بص يا مازن انا عندي ليك عرض ممتاز جدا مش ها تقدر ترفضه انا : مفيش حاجه مقدرش ارفضها عماد : لا ده مش ها تقدر بص انته معاكم شريك هنا في القريه اسمها بترسين صح انا : مقدرش أكد المعلومه او انفيها بس لو موجوده ها قول (ده رد الحكومه الامريكيه على اي حد بيسألها عن اي معلومه رد مستفز جدا) عماد : طيب يا مازن العرض بتاعي انا هادخل شريك مكانها و ادفع الشرط الجزائي انا : انتا عماد : ايوه انا انا : و انتا معاك 700 مليون دولار منين انتا لباسك مخروم مفتكرش اني عيله السراجي كلها تساوي المبلغ ده عماد : (رجع ضهره لي وره و حط رجل على رجل) ملكش دعوه دي فلوس حمايه يعني فلوسي و فلوس ابني الي جي اصل فريده قريب ها تسمعنا اخبار ممتازة جدا انتا اكيد ها تفرح ليا انا : طبعا افرح ليك ده انتا الغالي عماد : ها نفرح كلنا و نخلص ابعت اجيب ال*قود حالاً انا : (بصيت بعيد شويه و رجعت بصيت ليه و ابتسمت) لا عماد : (صوته عالى عليا) مازن اعقل الشراكه دي لازم تتم و لو كان فيها بحر دم خليل : (طلع سلاحه و شد الاجزاء و بعدها صدي صوت شد اجزاء من اماكن كتير) انا : بتعرف تعوم وله اجبلك عوامه يا ابن حسن السراجي عماد : (بص حوالية و مش شايف حد بس الصوت كان يخوف جدا ) مازن اعقل و وافق حط ايدك في ايدي (مد ايده ليا) انا : مش ايدك دي هيا دفعت فلوس لي صاحبك علشان يجيب الحشيش و النسوان و البدره علشان ادمن وله انا غلطان اسمع يا عماد قبل ما ترد امشي امشي بدل ما جسمك يتخرم دلوقتي وله تلحق تجيب عيل وله تيل عماد : براحتك يا مازن براحتك خالص قام عماد و معاه يسري مشي الاتنين و دخل واحد شخص : مازن بيه ايه رايك في السوند سستم الجديد انا : لا شغل عالي الصراحه شخص : بس اشمعنا حضرتك اخترت الصوت ده انا : علشان اجرب البيز و اعرف لو عالي وله لا شخص: تمام يعني يا مازن بيه انا : تمام تقدر تمشي شخص : شكرا (مشي) خليل : حلوه فكره الصوت دي بس قولي بعدين انا : مش عارف يا خليل بتقفل قوي و المشاكل كترت خليل : عماد ده ع**ط انه يهددك انا : عماد عمره ما كان ع**ط عماد بيهدد بس لما يكون متمكن زود الحراسه خليل : اشمعنا دلوقتي خايف منه انا : علشان انا بخاف من حاجه واحده في حياتي، فتاه الليل خليل : ازي انا : فتاه الليل يا خليل خسرانه كل حاجه شرفها سمعتها و اسمها و دي مينفعش تخلف فا بتخسر تكون ام و عماد كده فتاه ليل باع كل حاجه علشان الفلوس و ده بس الي اخاف منه انا اتمني انها تخلص على صوت او كام طلقه في الهوا تهوش الي قدامي خليل : بس لو حكمت انا : يا قاتل يا مقتول و انا مش عايز اموت اسمع حضر جناح ليا انام فيه خليل : ماشي قامت من مكاني و رحت الجناح الي حضره خليل ليا و قعدت فيه فتحت التلفزيون اتف*ج شويه عليه و الباب خبط قومت افتح انا : بترسين عامله ايه اهو يا ستي نفذت التحدي بترسين : (دخلت و قفلت الباب وراها و طلعت مسدس) فين ال*قد انا : بترسين في ايه بطلي هزار في فيلم سهره تحفه بترسين : (ض*بت طلقه في الابجوره ات**رت) مازن فين ال*قد انتا فاكرني بلعب معاك بجد انا : (غيرت تعبير وشي و قربت منها) لو عايزه ال*قد تاخديه على جثتي بترسين : (حطت المسدس عند دماغي) انطق ال*قد فين انا : اض*بي اض*بي بقولك بترسين : (داست على الزنات و رجعت وره و قعدت تضحك) ههههههه انا بهزر المسدس مفهوش غير طلقه واحده انتا خوفت وله ايه انا : (قعدت على الكنبه و مسك الريموت ) لا بترسين : انتا بتكذب انا : انا بقول الصراحه بترسين : ليه مخوفتش اقتلك انا : ها تصدقي لو قولتلك في جزء مني كان نفسه تدوسي على الزنات بجد (بصيت في عنيها) بجد بترسين : (بصت ليا شويه) انتا غريب يا مازن انا : كل حاجة ف الدنيا بقت غريبه ، اسمحيلي دلوقتي انام شوية عشان اكيد بكره هيكون مرهق كالعاده. تاني يوم صحيت على صوت خبط في الباب قومت افتح كانت سحر بس فتحت نص فتحه علشان الباب كان مقفول بترباس الفنادق ده انا : حد يخبط كده سحر : صباح الخير يا حبيبي افتح ادخل انا : تدخلي فين لا انا نازل دلوقتي سحر : اشمعنا انا : عادي نازل في ايه هادخل اخد دش و احصلكم سحر : (بعدم اقتناع) ماشي قفلت الباب و رجعت الاوضه و دخلت الحمام اخد دش كملت لبس و سرحت شعري و حطيت موزيل و نزلت تحت افطر معاهم انا : صباح الخير يا جماعه جيهان : صباح النور يا مازن اميره : احنا هنا من ساعه منتظرين حضرتك جي متأخر ليه انا : علشان الناس الصح بتيجي في الوقت الغلط هند : طيب اقعد يا صح اقعد انا : طيب يا كبيره هند : ايه كبيره دي انا : مش اختي الكبيره لزم اقولك يا كبيره هند : طيب اطفح بدل ما اسمك انا : (الاكل وقف في زوري) كحكحكح سحر : (جابت كبايه مايه بسرعه) اشرب يا حبيبي اشرب انا : شوفتي بنتك يا سحر شكلها سمتني فعلاً هند : طيب اسكت بدل ما يحصل بجد انا : سكت اهو فين رشوان بيه يا جيهان هانم مجاش معاكم يعني جيهان : رشوان بيه و جيهان هانم في ايه يا مازن ليه حاطت التكلفه يا حبيبي احنا ها نبقي اهل (بصت لي سحر و ضحكه في وش بعض) عمك رشوان عنده شغل كتير مقدرش يجي معانا انا : (مش مرتاح لي بصه الاتنين لي بعض) اه ماشي ربنا يوفقه قعدنا نفطر و بعد كده طلعت انا الجناح الي نزلين فيه و انا دماغي شغاله في ميلون حاجه الباب خبط قومت افتح انا : ادخل يا خليل محدش هنا خليل : (دخل و قفل الباب) صباح الخير يا كبير انا : صباح النور ها قولي عمل ايه خليل : سألت على موضوع يسري و معاد سفره مطابق لي معاد القبض عليك فعلاً غير كده لما سألت عرفت انه لسه تحت التمرين بس بياخد مرتب كبير و الناس كلها بره و جوه مصر بتتكلم عن نوع الخدمه الي قدمها يسري لي عماد علشان ياخد النوع ده من المعامله انا : (ولعت سيجاره) طيب و القرش ازي يسكت لي عماد خليل : مازن بيه عماد يعتبر ابنه دلوقتي انا : لا يا خليل لا انا اعرف الراجل ده بصفه شخصيه و مستحيل يسكت غير لما يكون مستفيد خليل : هو مختفي من ساعت جواز فريده من عماد و العالم كله بيدور عليه علشان زي ما انتا عارف القرش مش صغير و اختفائه وره حاجه انا : عندك حق يا خليل طيب امشي انتا دلوقتي و لما احتاجك ها اطلبك خليل : ماشي (قام خليل مشي و هو طالع كانت سحر دخله) سحر : ايه يا حبيبي طلعت و سبتنا ليه انا : علشان مش عجبني الي بيحصل تحت ده سحر : قول ايه مش عجبك و اغيره فوراً انا : كلامك انتي و جيهان مرات رشوان ايه موضوع ها نبقي اهل ده و امبارح خد هايدي وديها المول و لو عايزن تروحه الملاهي ماشي سحر : في ايه هيا هايدي واحشه مش زي بترسين انا : سحر خشي في الموضوع سحر : طيب اهدي انا : انتي شيفاني بشد في شعري سحر : لا طيب يا مازن انا عايزك تتجوز هايدي انا : اشمعنا سحر : ايه هو الي اشمعنا عايزه افرح بيك انا : طيب ده اشمعنا عايزني اتجوز طيب اشمعنا هايدي غير كل بنات العالم كله سحر : علشان بنت راجل مهم و مأدبه و محترمه و انا اعرفها كويس انا : ايوه امسك عند اول صفا و سيبي الباقي علشان الباقي مش فارق بالنسبه ليكي اساسا هيا بنت راجل مهم دي هيا دي السبب صح سحر : ايوه ده السبب انتا عارف ابوها ايه و له شغله ايه انا : حلو اوي شغله وصلنا لي النقطه الي انا عايزها بصي يا سحر انتي ترس في مكنه كبيره جدا ترس صغير كبير مش مهم المهم انك ترس في مكنه صح سحر : صح انا ترس في مكنه كبيره و رشوان ترس كبير اوي اوي انا : كلام جميل ترس هو مجرد ترس في المكنه يعني زيه زينا قوه رشوان في الوظيفه الي ممكن يطلع منها معاش في لحظه في همسه سحر : مستحيل رشوان متمكن في شغله انا : رؤساء دول بيشاله ها تيجي على رشوان لا طبعا سحر انسي سحر : انسي ازي انا عايزه افرح بيك انا : افرحي بنجاحي تفوقي مش علشان عندك فستان خايفه يصغر عليكي تلبسيني انا في جوازه زي دي و بعدين وحده زي هايدي مش طموحي سحر :طيب ايه طموحك و ايوه يا سيدي عندي فستان خايفه يصغر عليا قولي مين طموحك و انا اجوزها ليك و اوعا تقول بترسين انا : بترسين برده مجرد ترس سحر : طيب قولي انتا عايز ايه انا : الي مشغل المكنه ده الي انا عايزه عايز اوصل لي صاحب المكنه و ابقي مكانه مش ها بقي مكانه لو اتجوزت بترسين او هايدي او اي واحده تاني ابقي مكانه بدماغي فهمتي سحر : لا يا مازن مش فاهمه بص طموحك حلو بس الي اخترته ها يحصل علشان خاطري يا حبيبي انا : بصي كل الي اقدر اعمله بعد قرارك الغريب ده اني افضل اعاملها كويس زيها زي اي حد تاني لكن لا اكتر وله اقل ده اقصي حاجه اقدر اقدمها ليكي غير كده ابقي بكذب عليكي و عليها و على نفسي و انا مش بحب الكذب سحر : براحتك يا مازن انا لحد دلوقتي سيباك براحتك لكن ها يجي يوم تلقي نفسك ميت و انتا مكمل 90 سنه و لوحدك علشان ضيعت فرص كتير اوي انا : عرفه انا ها عيش لي 90 سنه علشان مش ها تجوز لو اتجوز ها موت عند 60 او 70 بالكتير 80 سنه اخدت سحر و نزلنا قعدنا وسط الناس و بترسين مختفيه خالص طنشت و قعدنا نهزر و نضحك و مستمتعين باليوم و اخر اليوم طلبت يسري لوحده جالي و انا قاعد عند البحر يسري : خير يا مازن انا : (قدامي فنجانين قهوه قمت واحد ليه) اشرب يسري : (اخد بوق من القهوه) برده مش فاهم انا : ايه رايك في البن ده بن الملكي الي لحم كتافك من خيره يسري : لحم كتافي من تعبي و شقايه انا : بجح مش متخيل اني بقول الكلمه دي ليك تروح تشتغل مع عماد ياخي يسري : حقي انا عايز شغل و فلوس انا : كنت طلبت انا عمري ما قصرت معاك في حاجه كنت قولت عايز اشتغل في مكان تاني و انتا عارف اني مدير بنك مصر في المنيا صحبي يعني كنت اقدر اجبلك وظيفه في لمح البصر او كنت صبرت شويه كان زمانك معايا دلوقتي يسري : علشان اقبض كام الف اول كل شهر يخلص المرتب يوم عشره صح لا انا كده احسن انا بشتغل بالدولار انا : حسبتها صح يعني و طلعت **بان ماشي يا يسري (قدمت ليه كيس بن) افتح يسري : (فتح الكيس لقي في حشيش رماه) ايه ده انا راجل مش بشرب م**رات انا : يعني انا كنت بشرب او ببيع م**رات لا بس انتا لبستني القضيه دي يسري : (محموق) انا معرفش بتتكلم عن ايه انا : بتكلم عن كاميرات الفيديو الي صورتك و انتا بتحط الم**رات في المحل ليا عارف القعده دي نقصها ايه ناقصها ضابط و محضر حلو بس انا مش هاعمل فيك كده عارف ليه علشان امك انا جربت احساس ده و امك مينفعش تموت بسبب عيل زباله زيك وله امي كمان تستاهل علشان كده حقي ها رجعه منك انتا و صدقني لو انتا مره كان شفع ليك عندي بس دلوقتي لا اطلع بره يا يسري و بلغ ولي نعمتك اني اقامتكم في القريه هنا اخر يوم ليها بكره قومت و سبته طلعت الجناح الي واخده بعيد عن اخواتي و سحر كان فاضي دخلت اخد دش و اغير هدومي لقيت ورقه على الكمودينه فتحتها و كان مكتوب فيها (مازن شكرا جدا على الكام يوم الجمال الي عشتهم معاك بس انا كان لزم اسافر انا عرفه اني شرط اللعبه اني اقعد 30 يوم منفصله في مصر بس اللاسف مش ها قدر اقعد يوم تاني او ارجع تانيا الكام يوم دول يعتبره هما عمري الحقيقي انا اسفه خلاص مش ها قدر اكمل اللعبه دي و حلال عليك ال*قد بترسين) طبقت الورقه و اخدت نفسي ادي اول مصيبه خلصت منها نمت على السرير علشان بكره عندي مصيبه تاني خالص المشهد العام مازن اتعرض لي كتير في حياته تقوله ازي ده عنده 20 سنه طيب تخيل لو حصل موقف زي بتاع ابن عمه ها يكون رد الفعل ايه او النتيجه عليه ايه في نقط سوده كتير مش مفهومه في حياته هو بيتحرك ازاي عن دراسه ولا عن حظ ولا عن لعب زي ما بيقول خلص من مشكله بترسين بس لسه عنده ثلاث مشاكل تاني يتبع.....