HUMINGA muna ng malalim si Elena bago ipinasyang lumabas ng penthouse ni Sire. Hindi siya nag-ayos masyado katulad ng ayos niya kapag lumalabas for a dinner way back in Manila. Imbes na mag-dress siya at mag-make-up sa mukha ay simpleng get up lang ang ayos niya. Ewan ba niya pero kapag kasama niya si Sire ay napapakita niya ang simpleng bahagi ng pagkatao ng isang Elena Jimenez. ‘Yung tipong hindi niya kailangang mag-ayos ng bongga just to please him.
Nakasuot siya ng puting short na naglalantad sa mahahaba niyang biyas, one of her best asset bukod sa maganda niyang mukha. At isang long sleeve polo na kulay dark blue sa pang-itaas, cotton iyon at tamang-tama lang sa kanyang katawan. Rubber shoes na kulay puti naman sa paa niya. Bukod sa sarili niya ay wala na siyang iba pang dala. Hindi
