CHAPTER 24
"Tara na! Kailangan na nating umalis dito." si Adam iyon.
Naramdaman na lang niya ang palad ni Adam na nakahawak sa kanyang palad. Mabilis silang tumakbo ngunit may pulis na noon ay humahabol na sa kanila. Kailangan nilang makapagtago o kaya ay mailigaw ang mga pulis. Tinungo ni Adam ang mga gusali sa di kalayuan. Magkahawak kamay sila ni Ricci na tumatakbo. Hanggang sa lumiko sila sa isang eskinita ngunit nakabuntot pa rin ang pulis na walang tigil sa pagpito at pagpapahinto sa kanila.
"Tumigil kayo! Mapipilitan akong barilin kayo!" panakot na sigaw ng pulis ngunit hindi nila iyon pinansin.
"Bilis! Huwag kang tumigil!" Hinihingal na sambit ni Adam sa halatang hindi sanay sa takbuhang si Ricci.
Wala siyang balak bitiwan si Ricci. Sanay siyang tumakbo dahil iyon ang kanya
