Chapter 54
Habang tinatalunton nila ang daan ay tahimik si Britney. Malalim ang iniisip nito.
"Sorry na, Sis. Napahamak pa kita. Promise, hindi ko talaga alam na masusundan niya ako."
Tikom ang labi ni Britney. Hindi siya nagsasalita, hindi rin siya nililingon nito.
"Ano gusto mong gawin ko? Kahit ano, balikan mo lang si Adam. Mag-usap kayo ng maayos, please? Kasi ang hirap ne'to na isiping ako ang dahilan kung bakit kayo naghiwalay."
Tahimik pa rin si Britney.
"Kahit ano sis, gagawin ko, sabihin mo lang." Muli niyang pakiusap.
Hindi pa rin kumikibo ang kanyang kausap.
"Pansinin mo naman ako. Alam ko galit ka, puwede mo akong murahin, sampalin o kahit ano basta patawarin mo na ako pagkatapos."
Ngunit wala pa ring naging epekto.
Huminga siya nang malalim. Gusto niyang bumawi kay
