CHAPTER 42
"Nasasaktan na ba kita bespren?" tanong niya sa noon ay maluha-luhang si Ricci.
"Hindi mo naman sinasadyang saktan ako, hindi ba? Hindi mo naman din kagustuhang mangyari ang lahat ng ito. Mahal mo ba talaga siya?" balik tanong niya kay Britney.
"Magiging kami ba kung hindi?"
"Hindi ba niya ako nakukuwento sa'yo?"
"Nakukuwento naman ngunit saka ko na lang napagtagpi-tagping ikaw pala yung nababanggit niya nang aksidenteng nagkita-kita tayo sa restaurant." Bumunot muna ng malalim na hininga si Britney at tumingin siya kay Ricci. "Sis, gaano mo kamahal si Adam?"
"Inaamin ko Sis, hanggang ngayon mahal na mahal ko pa rin siya, kahit anong sama ng ginawa niya sa akin, kahit ipinamukha niyang hindi niya ako kayang mahalin, nagpapakatanga pa rin ang puso ko at isip ko sa kanya. Pi
