CHAPTER 45
"Nagbibiruan lang kami. Ano ba kayo? Parang kayo din lang? Di ba Ricci?" biglang umaliwalas ang mukha ni Ringgo. Ang dating galit na galit nitong mukha ay naging masayahin.
Idinikit na noon ni Ringgo ang pawisan at hubad niyang katawan kay Britney. Patuloy na umaabante pa rin palapit kay Ricci.
Tinignan ni Adam si Ricci. Naghihintay siya ng sagot.
"Oo, nagbibiruan nga lang kami ni Ringgo. Kunyari galit lang siya para makuha namin ang atensiyon ninyo at makapagsimula na tayong maglaro." Huminga nang malalim si Ricci. Pilit din niyang pinasaya ang kanyang mukha. Naisip niya kasi ang trabaho niya sa Saavedra. Hindi puwedeng magutom ang kanyang pamilya. Kung tutuusin, siya naman talaga ang may kasalanan. Napakadali sanang sagutin ang tanong na iyon ni Ringgo ngunit hindi niya
