(Chapter 38 - Ang paglabas ng sama ng loob ni Kinn kay Latina )
Kinn's POV
Paghatid ko kay Tamara sa bahay nila ay agad na rin akong bumalik sa bahay namin. Naroon pa si Denver nang bumalik ako. Mag-isa na lang itong umiinom. Mukhang talagang hinihintay niya ako.
"Wow! Akala ko tinulugan mo na ako. Bakit ba ngayon ka lang?" tanong niya nang lapitan ko na siya.
"May hinatid lang ako," sagot ko. Tinitigan ko bigla si Denver. Hindi mawala sa isip ko ang kinuwento ni Tamara sa akin. Ang gunggong na ito, ninakawan pala nang halik si Tamara. Hindi ko talaga ma-explain ang nararamdaman ko, pero naiinis ako sa ginawa niya. Siguro, dahil close ko na si Tamara bilang si Morado kaya ako ganito ngayon sa kanya.
"Wala na akong ganang uminom. Wala na 'yung babaeng gusto ko," sabi niya. Halata nga s
