Kinn's POV
"What the f*ck! Seryoso ba ito? Iyan ang bago mong bodyguard?" dinig kong tanong ng kaibigan niyang si Scarlet nang makita ako. Narito kasi kami ngayon sa bahay nito dahil dito nag-aya si Tamara. Hindi na ako nagtaka. Mayaman si Tamara kaya siguradong mga bully ang mga friend nitong mayayaman din. Pero, hindi ko nilalahat, ha? May mayayaman din naman na okay, 'yung hindi tumitingin sa panlabas na anyo.
Nakakatawa lang dahil bungad na bungad sa akin ng kaibigan niya ay pangit agad na salita. Samantalang ang pagkakatanda ko ay isa rin ito sa madalas na pumuso sa mga post ko sa social media.
"Huwag mo nang pansinin iyan. Nariyan na, eh. Anyway, free ka ba? Gusto ko bang mag-mall?" aya ni Tamara sa kaibigan niya. Heto na nga ang umpisa nang pagbuntot ko sa kanya. Tiyak na kung s
