PAGKAALIS ni Benedict, naligo at nag-ayos rin si Lyn at lumabas ng bahay. May plano kasi siyang gawin para matupad ang gusto niyang mangyari sa isa sa mga bakanteng kuwarto sa second floor. Ayaw naman niyang humingi ng pera kay Benedict. Abuso na ‘yon sa tingin niya lalo at sa asawa na nga niya ang bahay nila at ito pa ang sumagot sa grocery. Malamang pati tubig at kuryente ito ang magbabayad. Kahit pa sabihing mukhang malaki ang kinikita nito sa Real Estate company na ‘yon, kung magiging gastador sila baka mamulubi sila. Ayaw niya mangyari ‘yon. Siya sanay siya sa hirap pero mukhang hindi ganoon ang kinalakihan ni Benedict kaya ayaw niyang maranasan nito ‘yon.
Malaki ang subdivision at wala namang masasakyan kaya naglakad lang siya papunta sa gate. Pagdating ‘don nagtanong
