Maximillian's POV
"So... kailan mo kakausapin ang bodyguard mong titig na titig sa'yo ngayon?" Rinig kong sambit ni Cristel habang nakaupo kami sa outdoor cafeteria ng university.
Ilang metro lang ang parking lot mula rito at kung lilingunin ko ito, makikit ako kaagad si Trek na kanina pa nakaupo sa hood ng kotse niya habang nakatingin sa direksyon namin ni Cristel.
Pinagpipiyestahan na siya ng mga babae dahil sa tindig at porma niya ngayon. Hindi mo aakalaing isa itong bodyguard.
"Ewan." Tipid kong sagot bago ko kinagat ang binili kong sandwich.
Nang makita kong nakatingin parin si Cristel sa direksyon ni Trek ay kaagad kong pinatid ang tuhod niya sa ilalim ng mesa na ikinatingin kaagad niya sa akin.
"Aray! Para san naman 'yon?"
"Wag mo kasing titigan."
"Luh, titig lang naman
