Nung gabi na iyon ay hindi makatulog si Millie dahil first time niya na matutulog sa ibang bahay. Dagdag pa ang stressful na araw niya sa kumpanya. Iniisip niya kung ano kaya ang nangyari sa meeting ng kanyang boss dahil mukhang galit ito pagkatapos no'n.
Pabiling-biling siya sa higaan, naghahanap ng tamang pwesto upang siya ay makatulog na dahil palalim na ng palalim ang gabi. Alas dose na ng hatinggabi nung huli niyang silip sa kanyang cellphone. Kaya kailangan na niyang makatulog. Kundi ay baka ma-late pa siya ng gising.
Subalit sa tuwing ipipikit niya ang kanyang mga mata ay nakikita niya ang gwapong mukha ng kanyang boss, lalo na ang mga abuhin nitong mga mata na tila ba nakatitig pa din sa kanya ng mga oras na iyon.
At muling bumilis ang t***k ng puso niya dahil hindi niya naiwasa
