Napayuko na lamang si Millie nang makita ang matalim na titig sa kanya ni Ms. Del Rosario. Nag-angat lamang siya ng tingin ng tuluyan na itong makaalis.
Subalit hindi niya malaman ang gagawin. Kung iisipin niya ang sarili ay tama lamang ang naging desisyon ng boss niya. Pero kung iisipin niya ang paliwanag ni Ms. Del Rosario tungkol sa magiging epekto nito sa kumpanya ay bigla siyang nakaramdam ng pag-aalinlangan.
Dapat ba niyang sundin ang payo nito na mag-apologize kay Mr. Alfonso? Babalewalain na lamang ba niya ang ginawang pambabastos sa kanya ng matanda alang-alang sa kapakanan ng kumpanya?
Pinag-isipang mabuti ni Millie kung ano ba ang dapat gawin. At napagtanto niya na wala namang mawawala sa kanya kung babalewalain na lamang niya ang ginawa sa kanya ni Mr. Alfonso. Sapat na sa k
