BANGS
Nanatili ang mag-iina sa labas ng bahay namin at ayaw pumasok. Sabagay, maliit lang naman ang dampa at magkakarinigan pa rin kami kahit manatili sila sa may pintuan.
"Hindi pa ba nahuhuli? Walang tumestigo kahit isa?" tanong ni T'yang at parang tuwa pa ito. May kinang kasi ang mga mata n'ya.
"Pasasaan ba at mabibigyan rin ng hustisya ang nangyari sa akin. Wala naman nakakalusot sa mata ng Diyos, Remy. Kung sino man ang nagkasala sa akin, mas malaki ang pananagutan n'ya sa Diyos. Gusto mo ba nitong palitaw? Baka gusto ng meryenda ng mga anak mo. May labis pa ako," alok ni Nanay.
Agad na nagbago ang hitsura ng mukha ni T'yang at mukhang nandiri. "We don't eat those. It's cheap. Buti sana kung brazo de mercedes 'yan o kahit anong pastry sa Goldilocks. Malay ko ba kung hindi ka nagh
