BANGS
Katulad ng sinabi ni Vanessa ay inilipat si Nanay sa isang private room. Gising na s'ya at napaiyak nang sabihin ko sa kanya ang tungkol kay Vanessa. Naaalala nga daw n'ya ang batang 'yon kahit kay tagal na ng pangyayari. Hindi lang private room at billing ang inasikaso ng mga magulang ni Vanessa -- nagbigay rin sila ng mga pagkain at prutas.
Limang araw pa ang itinagal ni Nanay sa hospital bago kami nakauwi pero wala na kaming binayaran pang iba. Kahit ang mga gamot ay ipinacharge na ng mga Morente sa iisang bill. Hindi na ako natuloy sa pag-loan sa opisina pero nagpunta ako kay Sir Rod at sinabing hindi makakapasok ng isang linggo. Mahina pa kasi ang katawan ni Nanay at kailangan n'ya ng tulong sa bahay. Sinabihan ko na rin na huwag na s'yang magtinda sa palengke at ipahinga na
