BANGS
Tinaplak n'ya sa akin ang litrato at kinuha ko 'yon. Pinigilan ko ang pagpatak ng mga luha ko. Magkahalong galit sa pagmamalupit n'ya sa akin at awa sa sarili ko.
"Hindi ko alam T'yang kung bakit ganyan ka kalupit sa amin nina Nanay. Wala kaming ipinakita o ginawang masama sa inyo," lakas loob na sabi ko sa kanya.
"Lumalaban ka na ngayon, Ivanka? Anong ipinagmamalaki mo? Wala ka ng trabaho. Wala kang ipon. Wala kang matitirhan. Ni wala kang damit na pamalit! Gosh!" maarteng komento ni Bing.
"Gumalang ka sa nakakatanda!" galit na wika ni Belle sa akin. "Hindi ka ba tinuruan ng magandang asal ng Nanay mo at ganyan ka kung makipag-usap sa Mommy ko? Ang kapal ng mukha mo!"
Imbes na sawayin ni T'yang ay pinili n'yang manahimik at tahimik na inengganto ang mga anak n'ya. Dinuro ak
