BANGS
Nang ilabas sa ICU si Nanay at dalhin sa morgue ay sumama ako. Ayaw ko s'yang iwan at kung pwede lang sumama sa kanya ay ginawa ko na. Mag-isa na ako ngayon at sa tindi ng lungkot ko ay wala akong maisip na dahilan para manatili dito sa mundong ibabaw.
Masakit sa dibdib noong nawala si Lola. Pero higit na masakit ngayong nawala si Nanay. Siguro ay dahil sa sunod-sunod na hind magagandang pangyayari mula sa pagkakabangga sa kanya at atake na naging dahilan ng pagpanaw n'ya.
Kinausap ko ang staff at sinabi kong ako ang magpupunas kay Nanay. Gusto ko 'yong gawin kahit man lang sa huling pagkakataon. Ni wala pa akong nabibiling damit na isusuot n'ya. Wala s'yang funeral plan at kailangan ko pang ayusin ang burol. Ang sementeryo pa... kung pwede ko lang hatiin ang katawan ko para ma
