الفصل الثالث عشر
اتفاق بين زوجين
أنت..
يامن تحديت الدنيا من أجلك
يامن ملكتك قلبي ..وظننت فيك ظن الخير
رميت بي بسهم الغدر
وما رميت اذ رميت ولكن خستك هي التي رمت.
بعد أن هدأت الألام قالت له وهي تنظر له بنظرات ميتة:
-هي القهوة ال أنت بتعملها دي فيها ايه؟؛
ضحك شهاب على سذاجتها ثم اردف بضحكة متشفية:
-لسة مش عارفة فيها ايه؟..فيها هيروين ياحلوة.
شخص بصرها بزهول..تحدق فيه بعدم تصديق..حتى أنها فقدت النطق.
-ههيروين..أنت بتقول ايه؟
طب ليه بتعمل فيا كده؟؛ أنا عملتلك أيه؟؛
دأنا اتحديت أهلي عشان اتجوزك، اتحديت اخويا ومكانش يعرفك وقال ازاي تتجوزي واحد منعرفوش ..وأنا اقوله ده انسان كويس حبني وأنا حبيته، هيروين ياشهاب أنا مش مصدقة نفسي، طب ليه قولي؟؛ ليه خلتني مدمنة، أنا عملت ايه؟؛ يخليك تنتقم مني كده، معقول..أنا كنت هبلة قوي كده واتخدعت فيك، معقول صدقتك، وحبيتك، أنت مش شهاب ال أنا عرفته..ولا
