Nagkatinginan sila nito, hindi rin niya inaasahang makikita roon ang boss. Agad namang nakabawi si Jessica at agad na lumapit kay Samuel at niyakag na itong paalis. Naiwan siyang naiinis sa babae at maging sa boss.
Agad na binilatan ang mga ito nang nakatalikod na nang biglang napalingon si Samuel.
Awtomatikong napakunot ang noo ni Samuel nang makita ang ginawi ng bagong sekretarya. Hindi niya alam kung maiinis ba o matatawa rito. Ngunit wala na siyang nagawa nang tila ayaw na siyang pakawalan pa ni Jessica.
Paglabas nang opisina ay may nakasalubong siyang grupo na tila magbi-break time din kaya agad siyang sumunod sa mga ito upang malaman kung nasaan ang kantina. Mabilis namang nalaman kung nasaan iyon.
Naka-order na siya ng pagkain niya at umupo sa gilid. Medyo marami na ang naroroon
