ROSELLE:
NAGING mas malamig pa si Chloe sa akin sa mga sumunod na araw. Pumapasok na rin siya ng opisina nila sa Montereal Real Estate Company na ang Lolo Cedric niya mismo ang naglagay sa kanya sa pwesto bilang bagong CEO ng kumpanya.
Habang ako ay nanatili sa condo namin. Suma-sideline na nagbebenta cupcakes online na natutunan ko mula sa sarili naming bakery.
Ayoko namang iasa kay Chloe ang lahat lalo na ang mga personal needs ko. Gusto ko ring magtrabaho pero alam ko namang hindi 'yon papayag na ipasok ako sa opisina nito.
Unti-unti ay nakakasanayan ko na rin ang set-up naming mag-asawa. Maagang babangon sa umaga para maghanda ng almusal niya. Bago magising ay nakahanda na ang lahat mula sa mga isusuot at almusal niya. Pagkatapos niyang kumain at nakaalis ng unit saka lang ako ma
