Hindi maipaliwanag ni Amarah ang sayang nararamdaman nang ibigay sa kanila ng nurse ang kopya ng sonogram. Ngiting-ngiti siya habang nakatitig dito saka marahan na hinahaplos ang tiyan niya.
Nang makasakay sila ng sasakyan ni Mira ay agad niya na kinuha ang cellphone at dinial ang number ni RJ ngunit ang saya na nararamdaman ay unti-unti na naglaho nang mapunta sa voicemail ang phone call niya sana sa asawa.
Ibinalik na lamang ni Amarah ang cellphone sa bag at tinitigan muli ang sonogram na hawak niya. Nang maramdaman niya ang pag-andar nang sasakyan ay napatingin siya sa kapatid at sinabi na kumain muna sila bago bumalik sa opisina.
“Hindi sumasagot,” wika ni Amarah sa pangatlong pagkakataon kasunod ang paglapag ng cellphone niya sa lamesa. Kasalukuyan na silang nasa coffee
