Nakabihis na si Joaquin at kasalukuyang naghihintay sa kanya sa baba. Mabilis na nag-blower ng buhok si Bella, dahil alam niyang maiinip na naman si Joaquin kung matatagalan pa siya. Kinuha niya ang tattered denim skirt na binili ni Joaquin, saka ipinares ang lacey spaghetti strap na kulay balat. Kumuha din siya ng flat sandals saka 'yon isinuot. Hindi niya alam bakit kailangan pa niyang sumama sa pagpunta nito sa mall. Naglagay na lamang siya nang polbo sa kanyang mukha, natural na mapupula ang kanyang mga labi kaya hindi na siya naglagay pa ng lipstick.
Mabilis siyang tumatakbo pababa ng hagdanan, dahil sigurado siyang magagalit na naman si Joaquin kung matatagalan pa siya. Nakita niya na napaayos ito nang upo mula sa sofa nang makita siyang pababa ng hagdanan, napaawang din ang mga lab
