Huling pumasok si Samuel, bahagya itong nakatalikod, dahil isinara niya ang pinto.
"Good A—" Hindi natapos ang sasabihin ni Samuel nang makita niya ako. Para itong kalalabas lang mula sa freezer dahil sa sobrang nanigas ang katawan niya nang makita niya ang aking mukha.
"Cha—"
"Please sit down!"
Hindi natuloy ang sasabihin ni Samuel dahil pinapaupo ko silang dalawa sa aking harapan. Sinadya kong putulin ang kanyang pagsambit sa aking pangalan sapagkat alam kong hindi pa ito ang tamang araw at ayaw kong magkahinala si Marilez na magkakilala kaming dalawa.
Halos hindi maalis-alis ang tingin ni Samuel sa akin at ako naman ay pinakita ko sa kaniya na hindi siya mahalagang tao sa akin, ni hindi ko ipinakita sa kaniya na kilala ko siya.
Malaki ang pinagbago ni Samuel at Marilez. Dah
