Pagbalik ko sa may cottage, naabutan ko silang nakapaikot at mukhang may panibago nang nilalaro.
"Oh, Ascella. Saan ka galing?" nagtatakang tanong ni Sir B.
"Sa hotel room po. Nagbihis lang," sagot ko at napatingin sa suot na damit. Isang oversized shirt at shorts. Wala naman akong balak mag-night swim. Nilamig na ako sa pagsisid kanina, 'no.
"Sage, sali ka!" yaya ni Fae at hinatak ako paupo.
"Anong nilalaro niyo?" tanong ko.
"Truth or dare!"
Napahawak naman ako sa batok. Malas ako lagi sa truth or dare! "Pass ako. Papanoorin ko na lang kayo."
Sam hissed on me. "Ang KJ naman! Sali ka na!"
Hindi na ako nakapalag nang paikutin na nila ang isang bote. Huminto iyon sa tapat ni Demi. Pabiro niyang hinampas ang bote at inalis ang pagkakatutok nito sa kaniya.
"Ang daya!" sabat ni Shawn
