لاقيس البارت السادس وثلاثون

2256 Words

لاقيس البارت السادس والثلاثون بقلم / غادة سعيد هند فضلت قاعده طول الليل تشرب في قهوه ومنبهات عشان ما تنامش خالص بسبب الحلم اللي بتشوفه كل ما تنام والطفل المش*ه اللي بيظهر لها كانت خايفه تنام احسن تشوفه تاني بيقرا لها حاجه وهي نائمه تاني .... يوم الصبح بدري صحت محمد من النوم وقالت له يلا قوم بسرعه عشان نروح عند الدكتور رد عليها محمد وقال لها دكتور ايه دي الساعه لسه سبعه الصبح محدش فاتح دلوقتي نامي يا هند ولما الظهر ياذن بقى نروح هند انا مش رايحه للدكتور انا رايحه المستشفى اعمل اشاعه والمستشفيات بتبقي فاتحه 24 ساعه يلا يا محمد ما ت**لش عشان انا ما نمتش من امبارح .... ومحتاجه اروح .... ‏محمد قام من النوم وقال لها اكيد مفيش دكاتره اشاعات دلوقتي يا هند انت موديانا الصبح بدري كده وبعدين البنت هتستهوي لان الجو برد واحنا لسه الصبح بدري خلينا على الظهر كده نبقى نروح .... ‏ هند خلاص يا محمد خليك انت مع ايسل وانا هاروح لوحدي ..... ‏ محمد خلاص يا هند هلبس و هاجي معاكي بس لبس البنت حاجه ثقيله وبعد كده هنروح فاهم وهند كانت مش شايفه قدامها بسبب قله النوم وراحت هي ومحمد على المستشفى وصلوا هناك ومحمد طلب انه عاوز يعمل اشاعه فور دي على الجنين قالوله يستنى ساعه يكون حجره الاشاعات فتحت. .... ‏ وقالوا لهم انهم جايين بدري قوي مفيش حد بيعمل ايه اشعه فور دي في وقت زي ده .... ‏محمد : شفتي بقى يا هند مش قلتلك ان ما فيش حد بيعمل اشاعات في الوقت ده هتيجي .... ‏نزلتينا على الفاضي اشاعه ايه اللي عايزه تعمليها الصبح بدري كده يا ريتني ما نزلت سمعت كلامك من الاول انا عارف ان احنا كنا هنيجي على الفاضي بس انا ما رضيتش ازعلك ..... ‏ هند : خلاص بقى يا محمد ما تقعدش تأنبلي ضميري هو انا كنت اعرف يعني انهم بيفتحه متاخر فضلوا قاعدين حوالي ساعتين لحد ما دكتور الاشعه وصل دخلوا قبل الناس لان هم قاعدين من بدري جدا طلب من الدكتور ان هم عاوزين يعملوا اشعه فور دي على الجنين الدكتور قال لهند تفضلي هنا على السرير و بدا يعمل الاشعه واطمئن على كل حاجه و اول ما اخلص الاهتمام وضع الجنين مظبوط وكل حاجه كويسه هند : ردت عليه وقالتله طيب هو ما فيهوش اي حاجه خالص .... ‏الدكتور: يا فندم انا باقول لك ان كل حاجه كويسه هو هيبقى في حاجه بالعافيه ولا ايه الاشاعه دي بتبين اي حاجه او عيب خلقي لكن هو الحمد لله اوضاعه مستقره ..... ‏هند : طيب يا دكتور هو ولد ولا بنت انا اسمع ان اشعه الفور دي بتبين من الشهر الثالث رد عليها الدكتور وقال لها ولد ان شاء الله محمد لما سامع انه ولد كان فرحان جدا لانه كان نفسه يجيب اخ لي بنته لكن هند هي اللي زعلت وحسيت ان اللي بيحصل في الحلم بيتكرر معاها يمكن لو كانت بنت مكانتش هتندهش كده انه ممكن يطلع فيها حاجه زي البنت دي في الحلم ..... ‏ لقيت للدكتور طمنها وقال لها انه وضعه كويس وما فيهوش اي حاجه .... ‏ خلصت هند عند الدكتور ومحمد كان مبسوط جدا من الفرحه اللي هو فيها ما كانش منتبه ان هند باين عليها انها قلقانه جدا وهم ماشيين قال هند هنروح فين دلوقتي تحبي تروحي على البيت ولا نروح نفطر بره ولا تحبي تروحي عند الشيخ هند ردت عليه وقالت له عاوزه اروح عند الشيخ دلوقتي حالا ..... ‏قال لها طيب نفطر الاول مش انتي اطمنتي ان الجنين كويس ومفيهوش اي حاجه من اللي انتي بتقوليها دي تعالى نفطر بقى ... ‏هند مش هاروح في اي مكان يا محمد انا عاوزه اروح عند الشيخ وبس .... ‏ محمد : زي ما تحبي يا هند تعالي نروح عند الشيخ ....... ‏ راحوا بالعربيه في المكان اللي هند وصفته لمحمد ولقوا جامع هناك قالتله سيبني انا انزل عشان اروح اتكلم معاه خليها طيب اصبري بس يا هند انتي تعرفي اسمه .... ‏ قالت له ايوه هو اسمه الشيخ عبد الله اسال اي حد فين الشيخ عبد الله وهو هيقولك ..... ‏ نزل محمد و كان في واحد داخل المسجد شكله شيخ برده سلم عليه محمد وقال له هو حضرتك الشيخ عبد الله قال له لا والله مش انا انا شيخ جديد قال له امال فين ال شيخ عبد الله راح فين هو سايب المسجد هنا ولا ايه لو تعرف مكانه لو سمحت قولي عشان عاوزه ضروري رد عليه الشيخ اللي كان هناك وقال له الشيخ عبد الله تعيش انت توفي من شهرين ربنا يرحمه كان راجل محترم وياما ساعد الناس احنا خسرنا ه ومش هتلاقي حد زيه هنا متخصص في فك الاعمال والسحر لو انت جاي بخصوص حاجه تبع فك الاعمال والسحر في دور في اي مكان لان ما بقاش في حد هنا بقى بيفك اعمال خلاص ده انصحك تروح اي مكان تاني تدور فيه .... ‏ سلم عليه محمد وقال له شكرا يا فضيله الشيخ وراح لهند العربيه هند قالتله لقيته يا محمد انزل اقا**ه والله لسه ما جاش محمد لا مش هينفع تقابليه ياهند ..... ‏هند : ليه يعني مش هينفع اقا**ه هو عنده ناس كثير ولا ايه ..... ‏ محمد : الشيخ عبد الله تعيشي انتي مات من شهرين ربنا يرحمه .... هند : مات ازاي ! محمد : مش عارف والله الشيخ اللي جاي مكانه هو قال لي انه مات هتعملي ايه دلوقتي يا هند هنروح لشيخ ثاني ولا هتعملي ايه .. هند : مش عارفه اتصرف ازاي حاسه ان دماغي وقفت انا كنت جايه وعاوزه الشيخ عبد الله هو اللي هيقدر يشوف لي الحل اجيب شيخ تاني منين يبقى زيهم مش عارفه يا محمد هاعمل ايه .. بس انت لازم تدور علي حد يعالجني انا على العموم هانام النهارده واشوف ايه اللي هيحصل يمكن يكون مجرد اجهاد وانا بيتهيقلى ... محمد : هو ده اللي باقول لك عليه هتلاقيه اجهاد وما فيش اي حاجه ... هند قالت له : طيب يلا نروح البيت عشان انا تعبانه قوي ... محمد : يعني مش هنفطر الاول زي ما قولت لك ... هند : لما نروح البيت بقى يا محمد نبقى نفطر وخلاص ... وهما مروحين تليفونها رن لقيت مامتها بتتصل بها ردت عليها ... هند : الو ايوه يا ماما ... مامتها : ايوه يا هند عامله ايه يا حبيبتي انا قلقانه عليك قوي و هاجي لك النهارده انا و باباك ... هند : ياريت يا ماما انا محتاجاكم جدا تبقوا جنبي وهاتي بابا معك اقعدوا معي كم يوم ... لان محمد خلاص نازل الشغل ومش فاضي ثاني ... مامت هند : خلاص يا بنتي هنيجي نقعد معك اللي انت عاوزاه المهم انت طمنيني عليك عامله ايه دلوقت لسه تعبانه ولا اتحسنتي ... هند : والله يا ماما انا احسن الحمد لله ادعي لي انت بس اعدي الكم شهر دول على خير ... مامت هند : ربنا يا بنتي يعديهم لك على خير وتقومي بالف سلامه وتبقى احسن من الاول بكثير انت صوتك مش في البيت انت في الشارع ولا ايه يا هند ... هند : ايوه يا ماما في الشارع انا كنت في المستشفى بعمل اشعه فور دي على الجنين عشان اشوف وضعه كويس ولا لا ... مامت هند : طيب طمنيني يا بنتي عامل ايه ... هند : هو الحمد لله كويس الدكتور قال لنا انه كويس وما فيهوش اي حاجه وقال لنا كمان انه ولد ... مامت هند : بجد الف مب**ك يا بنتي فرحتيني قوي ربنا يتمم لك بخير يا رب وتقومي بالف سلامه وتلاقيه قدامك ... هند : خلاص يا ماما انا هستناكي النهارده انت وبابا تقعدوا معي كم يوم ... هند قفلت مع مامتها وكانت تعبانه جدا ومش قادره تتكلم ولا تاخذ نفسها من قله النوم ... قالت لمحمد : الدنيا زحمه قوي وانا تعبانه احاول انام شويه في العربيه وانتم جنبي انت و ايسل وخلي ايسل على رجلي عشان انت سايق حطت ايسل على رجليها غمضت عينيها هتنام شويه وترتاح عشان هي كل لما تنام في البيت يحصل لها اللي بيحصل لها ده ولكن ما فيش فرق بين البيت والعربيه واول ما ا غمضت عينيها لقيت قدامها الطفل الصغير المش*ه و قالها : انتي اتاخرتي عليا قوي يا ماما من امبارح و انتي فين كل ده .. انا قاعد هنا لوحدي خائف وكنت مستنيكي ... الجو برد قوي ومش لاقي حاجه البسها و اي حد يعدي من هنا يقول لي مامتك فين اقول لهم لسه ما جتش انتي اتاخرتي علي كده ليه .. هند : هو انت عاوز تجنني ولا ايه انا مش امك انا الجنين اللي في بطني ما فيهوش اي حاجه و كويس يعني مش شبهك اصلا ... رد عليها وقال لها : ومين قال لك انه شبهي اساسا انا كنت باقول لك انا ابنك من جوه مش من بره يعني ابنك الحقيقي مش هيبقى في اي حاجه بس هو من العالم بتاعنا مش العالم بتاعك انت ... هند : اسكت ما تقولش الكلام ده انت كذاب وانا مش مصدقاك ابني لا يمكن يكون من العالم بتاعكم ده ابني انا ومن الج*س بتاعنا احنا انا مش مصدقاك ولا عمري هصدقك ... رد عليها وقال لها : بكره تصدقيني وتشوفي الكلام ده من نفسك لما يكبر قدام عينك وتعرفي من تصرفاته انه مش انسان ... انا ابنك يا ماما و لازم تحبيني اوعى تفتكري ان كل اللي عملتيه الفتره اللي فاتت كان في مصلحتك انتي كنتي بتنفذي كلام بنت ابليس واللي يدخل في السكه دي عمره ما بيعرف يطلع منها ثاني ابدا ... هند : اخرس مش عاوزه اسمع صوتك انا عمري ما هادخل في السكه دي ثاني ولا هاكمل اللي بداته انا خلاص طلعت من الموضوع ده و بقى لي فتره كبيره كويسه و عمري ما هارجع ثاني زي الاول ... رد عليها وقال لها وهو بيضحك : ومين قال لك انك خفيتي اصلا احنا كنا سايبينك فتره كده عشان نرجع ثاني بقوه شديده يعني ما تفتكريش نفسك انك بقيتي كويسه انت هتعيشي طول عمرك باللي انتي فيه ده لحد ما تموتي ... قامت هند من الحلم وهي عماله تصرخ جدا لدرجه ان جوزها كان هيخبط في اللي قدامه وهو سائق من صوتها و قال لها : في ايه يا هند هتفضحينا الناس هتقول اني خاطفك ايه اللي حصل لكل ده . هند : حلمت بنفس الكابوس اللي قلت لك عليه انا لازم اشوف حد ثاني زي الشيخ عبد الله عشان يعالجني انا مش هقدر ده انا بالحاله دي عمري ما هاقدر اتحمل مسؤوليه طفلين ازاي وانا كده ... انت لازم تساعدني يا محمد اوعى تتخلي عني زي المره اللي فاتت انت لو ما وقفتش جنبي المره دي انا ممكن يجرالى حاجه بجد اوعى تتخلي عني يا محمد ... محمد : والله ما هتخلى عنك بس انت حاولي تساعديني وتقولي لي انت بتشوفي ايه بالضبط وانا احاول اشوف حد يعالجك .. وصلوا على البيت هند طلعت فوق عشان ترتاح و تغير هدومها اول ما فتحت الدولاب عشان تغير لقت في وشها تيشيرت بيبي صغير مقطوع وعليه دم ... قعدت تفكر انها شافت التيشرت ده قبل كده بس ناسية فين ... افتكرت ان الولد اللي في الحلم كان لابس واحد شبهه اول ما محمد طلع ندهت عليه بسرعه عشان توريه له التيشرت عشان يصدقها ولكن بمجرد ما محمد دخل الاوضه كان ال تيشرت اختفي من ايديها وما بقاش موجود ... محمد : خير يا هند في ايه هو انت بتنادي عليا عاوزه حاجه ... هند لما بصت في ايديها وما لقتش التيشيرت قالت له : لا مش عاوزه حاجه يا محمد انا كنت باشوفك بس طلعت ولا لسه عشان اغير هدومي لاني كنت سايبه لك الباب مفتوح ... غيرت هند هدومها وبعد نص ساعه لقوه الباب بيخبط ومامتها وباباها جايين .. سلمت عليهم وحضنت مامتها ومامتها قالت لها : ما لك يا هند شكلك تعبانه جدا ومرهقه كل ده عشان لسه حامل في الاول .. هند : حامل في الاول ايه يا ماما ده انا داخله على الشهر الرابع انا طلعت حامل وانا ما اعرفش وعرفت بالصدفه كده ... مامتها ردت عليها وقالت لها : يا لهوي يا هند حامل في الرابع ومش عارفه مش تخلي بالك يا بنتي على نفسك وعلى اللي في بطنك ... هند : هاعمل ايه بقى يا ماما هو شكله حمل غريب اصلا وجاي لي باعراض غريبه ... مامتها قالت لها : ربنا يكمل لك بخير يا حبيبتي وان شاء الله تجيبي احلى ولد في الدنيا هيملى عليكي حياتك ويكون سند لاخته ... هند قالت لمامتها : قومي بقى انتي وبابا غيرو هدومكم وانا هاقوم اجهز لكم حاجه تاكلوها لانكم اكيد لسه ما اتغديتوش .. مامت هند : ولا تقومي ولا تتحركي امال انا جايه ليه انا جايبه لك الاكل معي هاقوم يادوبك اسخنه واحط الاكل و ناكل مع بعض .. طول ما انا هنا مش هتتحركي من مكانك عشان الدكتور قال انك لازم ترتاحي كويس حطت مامت هند الاكل و ندهت على هند عشان تيجي تاكل .. هند شافت منظر الاكل وقالت لها ربنا يخليكي ليا يا ماما انتي عامله لي كل الاكل اللي انا بحبه .. مامت هند : هو انا عندي اغلى منك يا بنتي لما ماعملكيش انتي امال هاعمل لمين ... خلصوا الاكل هند ما قدرتش تذوق لقمه واحده من الاكل وحست انها بطنها وجعاها و قالت لمامتها : انا هاكل كمان شويه ودخلت على الحمام كالعاده عشان ترجع وقالت لمحمد تعال اوقف معي في الحمام عشان اوريك المنظر اللي برجعه لانه بيختفي كل لما بندهلك ... محمد وقف معها و قالها : المنظر طبيعي جدا والله هو فين ده يا هند اللي انتي بتقولي عليه ... قالت له : غريبه قوي ما ظهرش المره دي .. رد عليها محمد و قالها : انتي اكيد بيتهيالك وسابها في الحمام وخرج ... اول ما محمد خرج بص في المرايه عشان تغسل وشها لانها كانت تعبانه جدا بمجرد ما يصت في المرايه لقت الطفل المش*ه واقف وراها وبيضحك لها وبيقول لها : هو انتي فاكره ان حد هيقدر يشوف اللي بيحصل لك غيرك .. انسى ان حد يصدقك انت هتعيشي وتموتي مجنونه وانا هاجي الدنيا دي وهاتربيني غصب عنك .. هند كانت لسه هتصرخ بس افتكرت ان مامتها وباباها قاعدين بره ومش عاوزه تقلقهم عليها كتمت نفسها وخرجت على بره يتبع

Read on the App

Download by scanning the QR code to get countless free stories and daily updated books

Free reading for new users

Scan code to download app

App Store Google Play

Facebookexpand_more