لاقيس البارت الثالث عشر

2273 Words

لاقيس البارت الثالث عشر بقلم : غاده سعيد محمد : مفيش اي حد عاقل يصدق الي انتي بتقوليه ده حتي لو مجنون .. هند : بس انا مش مجنونه يا محمد وانا فعلا بيحصل لي الكلام ده كله وانت عارف ان كنت طبيعيه وما فيش فيا اي حاجه وفجاه حصل لي كل ده يبقى انا مجنونه ازاي بقى ... محمد : مش عارف يا هند بس انا اول مره اسمع الكلام اللي انت بتقوليه ده لو انت فعلا بتشوفي حاجه يبقى انا كمان لازم اشوفها ... انت بتشوفي الحاجات دي لوحدك ازاي انت خارقه مثلا ... اللي انت فيه ده مرض نفسي ولازم تتعالجي عند دكتور نفسي كويس سيبك من المستشفى اللي انت رحت فيها دي مش حلوه لازم اود*كي عند دكتور نفسي كويس .. لان الحاله اللي انت فيها دي دي حاله نفسيه مع اني ما اعرفش ايه اللي حصل لك يعني اللي خلي حالتك النفسيه وحشه كده ... هند : انا ما عنديش حاله نفسيه ولا هبله انا في حاجه معموله لي ومش عارفه ايه هي ... معمول لي عمل ومش عارفه مين اللى اذانى بالطريقه دي ... محمد : برده هتقولي معمول لي عمل وكلام ما لوش لازمه ما فيش حاجه اسمها معمول لي عمل .. لو معمول لك عمل فين العمل اللي انتي بتقولي ان حد عامله لك ده اختفي فين في البيت البيت كله قدامك اهو ... هند : ايوه احنا لازم نقلب البيت كله من فوق لتحت عشان اعرف مين اللي عمل لي العمل ده تعال نقوم نشوف وندور في البيت اكيد هنلاقي حاجه .. محمد : لما كنت هناك فالمستشفي قلت اصدقك شويه وقمت شلت البيت كله ودورت على كل سنتي في البيت ما لقيتش اي حاجه احنا بيتنا نظيف وما فيهوش اي حاجه وشغلت فيه القران وما حصلش اي حاجه ازاي بقى بتقول ان في حاجه في البيت و معمول لك العمل في البيت .. انت يا هند ما بقتيش تحسي بنفسك انت عندك مرض نفسي يا هند ومش عارفه تقولي ايه فا بتقولي معمول لي عمل كل المرضى النفسيين برده بيقولوا ان معمول لهم عمل انا قرأت في الموضوع ده كويس ويعملوا الجريمه ويقتلوا و يذ*حوا ويقولوا اصل احنا معمول لنا عمل و بنعمل كده غصب عننا ... هند : خلاص يا محمد انا مش عاوزه اتكلم في الموضوع ده ثاني انا ياسيدي مجنونه وعندي حاله نفسيه ما تصدقنيش في اي كلام ثاني ... بعد اذنك بقى عشان انا هدخل دلوقت انام عشان تعبانه جدا انا ما كنتش بنام في المستشفى اللي كنت موديها لي دي ... لو سمحت سيبني دلوقت ... اخذت ايسل ودخلت عشان تنام محمد شد منها ايسل وقال لها لا سيبي ايسل انا هلعب معها ما تخليهاش تنام دلوقت عشان لسه بدري ... محمد كان خائف على ايسل من هند لحسن تدخل الاوضه وتقفل على نفسها و تعمل في البنت حاجه دخلت هند واول مغمضت عينيها لاقيس جتلها في الحلم و قالتلها : ايه يا هند مش احنا اتفقنا انك مش هتتاخري على الشرط اللي انا قلت لك عليه المفروض تروحي تعمليه النهارده بالكثير او بكره عشان ما تاخديش وقت كثير لو الوقت خلص انت عارفه ايه اللي هيحصل روحي النهارده يا هند ... هند : انا مش هاقدر اروح النهارده في اي مكان انا تعبانه جدا ونفسيتي تعبانه ومش مستعده اعمل اللي انت قلت لي عليه ده النهارده سيبيني يوم او يومين هو انا مش عندي فرصه ثلاث ايام ... لاقيس : انا قلت اقول لك تجيبي الورقه النهارده عشان انت ما تعرفيش قيمه الورقه دي قد ايه بقى لنا سنين بنحاول نخلي حد يجيبها وكل اللي بنقول له يجيبها بينتحر قبل ما يدخل القبر انا واثقه انك هتعملي اي حاجه عشان تحمي عيلتك ... هند : ابعدي عني دلوقت انا مش حابه اني اشوفك انت لك ان الورقه دي ما تقعديش تظهري لي في كل احلامي سيبيني انام شويه .... لاقيس اول ما سمعت كلامها ده قعدت تقول كلام غريب و مش مفهوم و اختفت فجأه .. وهند صحيت من النوم لقيت محمد قاعد جنبها وخائف منها هند : في ايه يا محمد هو انت بتبصلي كده ليه .. محمد : ايه اللي انت كنت بتقوليه ده يا هند انت بقيت خطر على البيت وعليا وعلى ايسل كنت بتقولي كلام غريب مش مفهوم انا اول مره اسمعه وعماله تعملي اشارات بيدك غريبه وعينك تفتح وتقفل وانت نائمه انا هدخل انام جوه جنب ايسل ... مش هاقدر انام جنبك في الوضع ده تصبحي على خير يا هند ومن بكره هانزل اشوفلك دكتور كويس عشان يتابع حالتك دي ... هند : انا مش عايزه دكاتره يا محمد انا عارفه انا في ايه وقلت لك قبل كده وادخل بقى نام جنب ايسل انا مش عاوزاك تقعد معي ثاني .... محمد بص لها وما ردتش عليها واخذ بعضه و مشي راح عند ايسل لأنه كان خايف جدا من شكلها لأنه بقي غريب جدا وبتقول كلمات هو مش فاهمها .... هند نامت وكانت بردو بتحلم بكوابيس و نوم مش منتظم ... محمد صحي من النوم و اتصل بالمدير بتاعه في الشغل وطلب منه انه ياخذ اجازه ضروري لان بنته تعبانه ... هو كان بيقول كده عشان مش هينفع يقول حاجه غير كده لانه هيخاف على ايسل لانه هيسيبها مع هند ... لكن المدير بتاعه رفض وقال له احنا في اخر الشهر وبنقفل الشغل لو غبت النهارده من الشغل اعتبر نفسك مرفود وما تجيش ثاني الشغل ... محمد قال له : خلاص انا هاجي النهارده اتضطر محمد ينزل الشغل ... وهو نازل فتح الباب علي هند وقال لها : انا هانزل الشغل خلي بالك من ايسل قامت هند مفزوعه من النوم وجريت راحت اوضه ايسل ومحمد كان نازل وهو حاطط ايده على قلبه ومرعوب احسن يحصل في البنت اي حاجه ... هند اول ما ايسل صحيت لبستها و لبست ونزلت وقفت تا**ي وقالت له عاوزه اروح عند المستشفى بتاعه الامراض ال*قليه اللي في اخر الشارع ... السواق واداها لحد هناك ودخلت من باب المستشفى لقيت الباب كان مفتوح ... بصت في الجنينه لاقت العيانين كلهم و قاعد وسطهم دكتور علي محتاس مش عارف يعمل ايه ... لان ما بقاش في اي دكتور غيره بعد اللي حصل امبارح والدكاتره كلها اتقبض عليها ... دكتور علي اول ما شاف هند جرى عليها وقال لها ايه يا هند لحقتي تشتاقي للمستشفى ... احنا اللي بيخرج من هنا ما بيبقاش عاوز يرجع ثاني خالص وانت جايه من ثاني يوم برجليكي ... هند : عامل ايه يا دكتور علي دكتور علي : زي ما انت شايفه كده يا هند قاعد وسط العيانين مش عارف اعمل ايه ولا عارف اسيبهم ... صعبانين عليا لو سبتهم ممكن يعملوا في نفسهم حاجه انا بايت هنا من امبارح وما نمتش ... ومش عارف اعمل ايه لازم افضل جنبهم لحد ما يجيبوا اي دكتور ثاني ... او ينقلهم في اماكن مختلفه لان العدد ده ما ينفعش يروح مره واحده على مكان واحد ... انت بقى يا هند جايه ليه نسيتي حاجه ولا ايه ... هند : بصراحه يا دكتور علي انا محتاجه مساعدتك... امبارح اول ما روحت البيت ونمت جاءت لي ثاني في الحلم وطلبت مني الطلب الثالث وانا مش هاقدر انفذ الطلب ده لوحدي انا خايفه قوي يا دكتور علي و انت الوحيد اللي هتقدر تساعدني لان ما فيش اي احد مصدقني غيرك جوزي بيقول علي انت مجنونه وصاحبتي مش مصدقاني في اي كلام باقوله ما فيش اي حد صدقني غيرك انت يا دكتور هتساعدني ولا لا ... دكتور علي : بصراحه يا هند انا مش عارف اقول لك ايه انا من امبارح للنهارده حياتي تبدلت الشغل بتاعي باظ وحياتي وقفت وانا بصرف على اهلي و امي مريضه وبحتاج اجيب لها علاج وبابا راجل كبير في السن انا دلوقت قعدت من الشغل ومش لاقي اي دخل اصرف منه انا ساعدتك امبارح وحياتي اتقلبت .. انت عاوزاني اساعدك ثاني طب انا هاعمل ايه في اهلي انا يدوبك احاول ادور على شغل ده لو لقيت يعني انا مش عارف اللي انا عملته امبارح ده صح ولا غلط بس انا خربت حياتي وخربت على نفسي بسبب اني ساعدتك انا مش باقول لك الكلام ده عشان تزعلي مني بس انا فعلا حياتي اتقلبت ومش عارف اعمل ايه ... هند : يعني يا دكتور علي لو انت كنت اكتشفت الاوضه دي لوحدك وانا ما قلتلكش عليها كنت هتتستر عليهم ومش هتكشف جريمتهم اكيد دكتور باخلاقك ما كانش هيخلي المجرمين دول يعملوا اللي هم عايزينه ويقتلوا ناس ما لهاش ذنب و رامينهم زي الكلاب تحت في الثلاجات اكيد انت برده كنت من غيري هتبلغ عنهم يا دكتور ما تقولش ان انا السبب في كل ده القدر هو اللي حطك في طريقي وخلاك انت اللي تعمل كل ده وعلى فكره بخصوص الشغل انت دكتور شاطر جدا لو قدمت في اي مستشفى هياخدوك على طول وهيتمنوا انك بس تشتغل عندهم انا جئت لك عشان ما فيش احد قدامي غيرك انت الوحيد اللي مصدقني وحاسس باللي انا فيه ... انت نفسك قلت لي لو ما نفذت لهاش الشروط اللي هي قالت لك عليها كلها هتاذي عيلتك وهات اذيكي انا عمري ما اخليها تأذي عيلتي حتى لو اموت انا لازم اعملها كل الي هي عوزاه ده في اسرع وقت ... والي هي عوزاه ده عاوز حد قلبه جامد او عالاقل يجي معايا وانا بعمل كده عشان انا لو رحت لوحدي ممكن اموت و محدش هيكون عارف عني حاجه دكتور علي : وايه بقى اللي هي طالباه منك انا بسالك بس حب فضول مش اكثر ما تفتكريش يعني اني بسالك عشان اساعدك انا بس عاوز اعرف هي بتطلب منك ايه وهتنفذيه ازاي بقي ... هند : فاكر اول طلب طلبته مني يا دكتور على .. اللي انا قلت لك عليه ده لما خلتني قعدت على باب مقبره دجال ... هي بقى لما كنت نائمه خدتني في الحلم ودخلتني في المقبره من جوه الي هو مدفون فيها كان شكله وحش قوي وريحته وحشه وكان متكتف ... طلعت هي ورقه من جيب الهدوم اللي لابسها وقالت لي انا عاوزاكي تجيبي لي الورقه دي في خلال ثلاث ايام ولو ما نفذتيش اللي انا باقوله لك هاعمل اللي انا قلت لك عليه ... وانا مش عارفه اعمل ايه من غير مساعده من حد انا عوزاك تقف جنبي ... دكتور علي : انت نفسك يا هند قلتي انك عاوزه احد قلبه جامد وانا مش قلبي جامد خالص ده وانا نازل الاوضه اللي كان فيها الجثث كان هيجرالي حاجه ... انا ما اعرفش اصلا ازاي طلعت تليفوني وصورت كل الكلام ده و جبت قلب منين عاوزاني ادخل معاكي قبر دجال ما حدش بيقرب منه ولا احد زاره من اول ما مات ... وكمان نجيب حاجه من جيب الهدوم اللي هو لابسها ... اللي انت بتقوليه ده مستحيل اعمله انا باخاف جدا وقلبي ضعيف ما يغركيش ان دكتور انا دكتور نفسي مش باعمل عمليات جراحيه وكده .. انا اسف يا هند مش هاقدر اساعدك بصراحه . هند : طب فكر و حط نفسك مكاني .. يا دكتور ما تردش علي دلوقت اديني رقمك وانا هابقى اكلمك وتقول لي هنعمل ايه ... لو مش موافق او موافق انا لازم اروح النهارده بالليل او بكره بالكثير .. دكتور علي : انت تقدري تاخدي رقمي تستشيريني في اي حاجه بخصوص الطب .. لكن طلعيني من الموضوع ده يا هند .. معلش عشان انا مش هاقدر اعمله مش عاوزك تزعلي منى لكن الموضوع ده لو كنت اقدر اعمله اكيد ما كنتش اتاخر ... لكن انا مش هاقدر اعمل اللي انت بتقوليه ده خالص حاولي تستشيري اي احد غيري . هند : المشكله ان ما فيش اي احد غيرك قدامي والله لو كان في اي احد كان ممكن اساله ... على العموم انا هامشي يا دكتور ولو حسيت انك هتقدر تساعدني ده رقمي .. ابقى اتصل بيا .. اخدت هند ايسل على ايديها ومشيت وهي حزينه وم**وره وفتحت باب المستشفى وهي على الباب دكتور علي نده عليها وقال لها : استني يا هند انتي قلت لي هتروحي امتى ... هند ضحكت له وقالت له هاروح النهارده او بكره .. قال لها : طيب انا هاشوف كده الموضوع ده مع نفسي ولو قدرت اساعدك اكيد مش هتاخر و هاتصل بيكي ابلغك لو قدرت اروح معاكي .. هند : لا خليني انا اللي اتصل بك عشان محمد بيبقى جنبي معظم الوقت و مش عاوزاه يسمع الكلام ما بينا احسن يفتكر انى بخونه ولا حاجه عشان ده مخه تعبان وما بقاش يصدقني في اي حاجه ... دكتور علي : خلاص ماشي انا هاستنى منك تليفون النهارده بالليل في اي وقت انا كده كده ما بانامش اصلا كلميني حتى لو الفجر ... هند : بصراحه مش عارفه اقول لك ايه يا دكتور علي انت بجد ما فيش زيك خالص وانت اكثر واحد وقفت جنبي برغم انك ما تعرفنيش هابقى اتصل بك بالليل و تاكد علي لو كنت هتيجي معي وتقابلني ولا لا ... دكتور علي : ماشي يا هند هاستنى تليفونك وخلي بالك من نفسك .. هند وقفت تا**ي عشان كانت اتاخرت جدا و كانت خايفه احسن محمد يوصل قبلها وهي راكبه التا**ي لقيت تليفونها بيرن ساره بتتصل بيها ... وفي مكالمات كثير قوي من محمد بس هي ما كانتش بترد عليه .. بس ردت على ساره وقالت لها : ازيك يا ساره عامله ايه ... ساره : ازيك يا هند وحشتيني قوي انت رجعت من المستشفى ولا لسه .. هند : ايوه انا رجعت امبارح انت ما تعرفيش ان رجعت ولا ايه ... سارة : لا ما اعرفش اعرف منين يعني انت وحشتيني قوي انا عاوزه اجي النهارده اشوفك واسلم عليكي ونقعد مع بعض شويه عشان انت وحشتيني قوي ... هند : بقى كده برده يا ساره ما تجيش تزوريني في المستشفى ولا يوم انا زعلانه منك قوي ساره والله ... سارة : محمد ما كانش راضي يخليني اخد عنوان المستشفى كان خائف اني اروحلك و اطلعك منها وانا كنت قاعده بايسل عشان هو كان فى الشغل ... كانت قاعده معايا في البيت فما كنتش اعرف اجي لك خالص ... هند : ولا يهمك يا ساره خلاص هاستناك بالليل تيجي تقعدي معي شويه .. ساره : هو انتي فين كده انت صوتك بره .. هند : انا نزلت اتمشى شويه انا و ايسل عشان مخنوقه .. طبعا هند ما ردتش تقول لها انها راحت فين عشان هي اصلا مش مصدقاها ... قفلت معاها التليفون ووصلت عند البيت و اول ما فتحت الباب لقت ... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more