لاقيس البارت الخامس

2049 Words

لاقيس البارت الخامس بقلم / غادة سعيد اول ما ردت على هند في المرايه هند وقعت من طولها اغمي عليها .... ومحمد دخل على الصوت شالها واتخض جدا و قعد يفوق فيها و يرش عليها مياه عشان تفوق ويقول لها : فوقي يا هند ايه اللي حصل .. بدات تفتح عنيها من اللي شافته وتقول له : لاقيس يا محمد قالتلي علي اسمها اسمها لاقيس ... محمد : لاقيس مين يا هند انا مش فاهم حاجه .... هند : لاقيس دي الي بتطاردني بقالها فتره و مش عارفه اعمل ايه و عاوزه تأذيني .... محمد : إهدي يا هند هي مين دي الي عاوزه تأذيكي هند : لاقيس يا محمد لاقيس عاوزه تأذيني انا مش عارفه ايه الي بيحصلي ده انا عمري ما اذيت حد ولا فكرت ان ممكن حد يكون بيكرهني و يأذيني كده ... محمد : فهميني بالظبط ايه الي بيحصلك ده و مين الي بتظهرلك كل شويه ... هند : الموضوع بدا معي من شهرين حياتي اتقلبت على طول كنت في مشاكل انا وانت وكنت على طول عصبيه بسبب اللي بشوفه كل يوم يحصل لي حاجه اوحش من اللي قبلها يا محمد انا اعصابي تعبانه وبنهار وخايفه قوي على ايسل مش عارفه مين اللي ممكن يكون عمل فيا كده بقيت باشوف حاجات غريبه وبحس ب حاجات اغرب رحت لشيخ وقال لي انه ممكن يكون حسد .... وانا بشغل سوره البقره لكن ما فيش فايده عملت كل اللي قال لي عليه وكل يوم احس بحاجه افظع من اللي قبلها وفي واحده بتظهر لي وعاوزه توصلي رساله وبتقول لي انها هتاذيني و ان فيه حد مكلفها انها تعمل كده انا مش عارفه اعمل ايه يا محمد انا زهقت وشايله الحمل ده كله لوحدي .... محمد : ما فيش حاجه اسمها كده يا هند يعني ايه واحده بتظهر لي وتقول لك انها هتاذيكي و ازاي بيظهر لك حاجات انا اول مره اسمع الكلام ده انتي لازم تريحي اعصابك شويه ونسافر انا وانتي كم يوم نريح اعصابنا وان شاء الله هو ده الحل .... هند : انا ما كنتش عايزه اقول لك عشان انا عارفه انك مش هتصدقني لكن والله العظيم هو ده اللي بيحصل فعلا انا بيحصل لي حاجات غريبه ومش لاقيه لها حل انت لازم تساعدني اني اتعالج .... محمد : خلاص يا هند انا هاود*كي عند دكتور نفسي تحكي له على اللي حصل ده ممكن يساعدك ... هند : نفسي ايه بس ! انا باقول لك ان انا مجنونه انا باقول لك انا باشوف حاجات غريبه انا مش مجنونه و متاكده من كل اللي بيحصل ده انت لازم تساعدني يا محمد وتخليني اتخطى اللي انا فيه ده ... محمد : خلاص يا هند احنا هننام دلوقت عشان الوقت اتاخر وبعد كده نبقى نشوف بكره هنبقى نعمل ايه ... دخلوا يناموا هند كانت حاسه ان محمد بيقول لها كده وخلاص عشان يريح دماغه من كلامها وانه مش مصدقها ولا مصدق اللي هي بتقوله ده خالص كانت حزينه على نفسها و على اللي بيحصل لها لان ما فيش اي حد مصدقها ولا محمد ولا سارة حتى لما راحت قالت للشيخ ما كانش مصدقها وقال لها انها لازم تشغل قران وتنتظم فالصلاه و حتي مصدقش ولا كلمه من كلامها .... دخلت تنام واول ما عنيها راحت في النوم لقيت باب الاوضه بيفتح عليها والبنت اللي قالت اللي على اسمها لاقيس دي داخله ... اتفزعت هند وقامت من النوم كانت نايمه و حاسه ان دي حقيقه مش في حلم قالت لها : انت تاني انتي عاوزه مني ايه ابوس رجلك ابعدي عني انا حياتي بتدمر ومش عارفه انا عملت لك ايه عشان تعملي فيا كده .... بصتلها وعينيها بتطق شرار وقالت لها : مش انا اللي عاوزه اعمل فيكي كده في حد كلفني بالمهمه دي ودلوقتي تعالي معايا يا هند و هتفهمي كل حاجه .... في حاجات لازم تعمليها انا هطلبها منك .... هند : حاجات ايه الي اعملها و هتطلبي مني ايه انا عمري ما هنفذ لك اي حاجه تطلبيها ... ردت عليها وقالت لها : مش برضاكي يا هند ده غصب عنك ولا انتي عاوزاني اأذى اقرب حد ليكي ... هند : انتي تقصدي مين يعني تأذي مين .... ردت عليها وقالت لها : مين اقرب حد ليك يا هند بنتك ايسل ايه رايك لو اخدها معايا ومتشوفهاش تاني عمرك ولا ايه رايك لو خنقتها وهي نايمه .... هند : ايه اللي انت بتقوليه ده انتي ما تقدريش تعملي حاجه لبنتي انا ممكن اموت فيها اوعى تأذيها اوعى ... انتي ايه اللي جابك عندي انا مش عارفه انا عمري ما اذيت حد مين اللي ممكن يعمل فيا كده ... طب قولي لي مين اللي عمل فيا كده .... ردت عليها وقالت لها : مش هينفع اقول لك هو في حد يقدر يفضح السر بتاع اسياده بتاعه انا السيد بتاعي طلب مني اعمل كده بتكلفه من حد عاوز يأذيكي هند : يعني انا معمول لي عمل انت تقصدي ان في حد عامل لي عمل .... ردت عليها وقالت لها : ومش اي عمل ده عمل ومش هتقدرى تلاقيه لانك عمرك ما تتخيلي هو فين ولا هتقدري توصلي له عمرك ... هند : طيب انا عندي استعداد انفذ لك كل اللي انت تطلبي مني بس تعرفيني على مكان العمل ومين اللي عمل فيا كده ... ردت عليها : انتي هتنفذي اللي انا باقول لك عليه كله بالحرف الواحد .... و مش هاقدر اقول لك مين اللي عمل فيكي كده لو عرفتي تعرفي لوحدك وده مستحيل يبقى كويس احنا مش عايزين نضيع وقت يا هند تعالي معايا بسرعه عشان اوريكي اللي عمرك ما شوفتيه كل ده وهند في الحلم ومش عارفه هي ايه اللي بيحصل لها ده ماشيه وراها وهي مش عارفه هي رايحه فين .. نزلوا من سلم العماره بس كان مختلف وكان المكان كانه مهجور فضلوا ماشيين شويه في الشارع لحد ما وصلوا عند المقابر اللي بعديهم بشويه بس المقابر كانت ضلمه خالص وصلوا عند قبر حد وقالت لها : ده اول طلب اطلبه منك اول ما تصحي من النوم هتيجي هنا عند المقبره دي وتفضلي قاعده من بالليل لحد النهار ما تتحركيش خالص هتفضلي قاعده كده مهما شوفتي او سمعتي ما تمشيش ولو بكره ما عملتيش كده بعد ما جوزك ينام هاعمل لك اللي قلت لك عليه ومش هتشوفي بنتك ثاني .... هند : انتي عاوزاني ابات في مقبره انا باخاف من خيالي حرام عليكي لاقيس : مش هتباتي انتي هتقعدي بس قبل ما الفجر يطلع هتروحي بيتك هما ساعتين ثلاثه بالكتير وما فيش حد هيحس بيكي خالص جوزك هيكون نائم وانا هابقى براقبه بنفسي و كده هتكوني عملتي اول شرط وبعدين انتي خايفه من ايه ده لسه الثقيل جاي ده اخف شرط عندي ... هند : اخف شرط عندك اني انام في المقابر انتي اكيد اتجننتي انا باخاف اروح ازور حد من اهلي في المقابر بالنهار عاوزاني افضل قاعده في المقابر بالليل حرام عليكي شوفي لي اي حاجه اعملها غير ده لاقيس : تقدري تقتلي يا هند ... هند : اقتل اقتل مين ده انا باخاف اموت نمله احسن ربنا يحاسبني عاوزاني اقتل ... لاقيس : خلاص يبقى تنفذي اللي باقوله لك بالحرف الواحد من غير كلام كتير بكره بعد ما جوزك ينام هتلبسي ومش هتلبسي اي لبس هتلبسي عباءه سوداء وطرحه سوداء وتيجي هنا عند قبر الشخص ده تفضلي قاعده كده ... ومهما تشوفي او تسمعي متتحركيش من مكانك سامعه يا هند سامعه ... فجاه لاقت جوزها بيصحيها بيقول لها في ايه يا هند مالك .... هند : مالي يا محمد ايه اللي حصل ... محمد : انتي عماله تتكلمي وانت نايمه كلام مش مفهوم وانا بقى لي كثير بحاول اصحيكي وانت عماله تخرفي في كلام ايه اللي حصل يا هند مالك حلمتي حلم وحش ولا ايه .... هند كانت ناسيه انها كانت بتحلم لكن لما محمد قال لها كده افتكرت الطلبات اللي اتطلبت منها كانت قاعده خايفه جدا لكن كانت خايفه تقول لمحمد احسن يحصل حاجه لايسل .... وقعدت سرحانه بتفكر هتعمل ايه فالمصيبه الي هي فيها دي و خايفه متنفذش الي اتطلب منها يجري ل ايسل حاجه .... قامت تجري تبص علي ايسل في اوضتها عشان تطمن عليها كانت خايفة عليها جدا من الكلام الي اتقال و مش عارفه تتصرف ازاي .... دخلت اتطمنت علي ايسل و بعد كده دخلت اوضتها عشان تحاول تنام و مش عارفه .... قاعده تبص في السقف وكانت سرحانه بدات تدقق لقت ان السقف بيتشقق ويطلع منه حشرات قاعده تركز لقيته بيطلع منه دود ومعاه حشرات اول مره تشوفها في حياتها ... قعدت تصوت وجوزها صحى مفزوع محمد : في ايه في ايه يا هند ايه اللي حصل لك هند : بص فوقيك يا محمد السقف بيتشقق ويطلع منه حشرات .... محمد : فين ده السقف زي ما هو ما فيهوش اي حاجه لا انتي كده اعصابك تعبانه على الاخر ولازم تروحي ترتاحي شويه في مكان ..... انا قلت لك انتي شكلك مخك ض*ب على الاخر يا هند .... هند اتضايقت من كلام محمد ودورت وشها وما كلمتوش ثاني وهو زهق من كتر اللي هي بتقوله وراح نايم و ماسألهاش في ايه تاني ... كانت متضايقه جدا من محمد لانه مش مهتم بالموضوع اللي هي بتقوله عليه وكانت شايله الحمل كله لوحدها ومش عارفه لما بكره يجي هتعمل ايه في الطلب اللي مطلوب منها .... دخلت جنب ايسل وحضنتها ونامت عشان ما كانتش عاوزه تنام جنب محمد لانها زعلانه منه جدا وقعدت تفكر وتقول : ما كنتش اتخيل انك الوحيد اللي ما تصدقنيش انت المفروض اللي كنت تصدقني و متقولش اني كذابه لكن انت اول واحد قلت لي اني مجنونه وعاوزه اتعالج عند دكتور نفسي .... هند راحت في النوم وبدا تيجي لها الكوابيس واول من النهار طلع صحيت اتصلت بساره وقالت لها : يا ساره تعالى لي دلوقت حالا في بيتي ساره : برده نفذتي اللي في دماغك يا هند وروحتي بيتك كنتي خليكي قاعده مع مامتك شويه مونساها هند : انا شكلي كده هارجع عند ماما تاني انا مش مستحمله اقعد في البيت مع محمد ... ساره : ليه بس كده يا هند هو محمد عمل لك ايه دلوقتي هند : محمد فاكرني مجنونه يا ساره و مكذبني في كل اللي انا باقولهو له ساره : ما هو عنده حق فعلا يا هند هو ما فيش حد عاقل يقول الكلام اللي انتي بتقوليه ده لو حكيت لاي حد في الدنيا برده مش هيصدق يعني ايه في واحده بتظهر لك وبتهددك احنا عايشين فين هنا ... يا هند انتي شكلك عندك اكتئاب حاد ومش عارفه تميزي هل ده اكتئاب ولا حد عامل لك عمل هند : حتى انتي برده يا ساره زعلانه منك لانك مش مصدقاني وانا والله ما بكذب انا خايفه جدا على ايسل البنت دي ظهرت لي تاني وهددتني وقالت لي انها طالبه مني حاجات لازم انفذها يا اما هتعمل في ايسل حاجه وانا لو ايسل جرالها اي حاجه عمري ما اسامح نفسي ..... ساره : طب اقفلي دلوقتي يا هند انا جايه لك دلوقت حالا ما تتصرفيش من دماغك لما اجي كده ابقى احكي لي على رواقه ايه اللي حصل بالضبط .... قفلت هند معاها وقعدت تفكر هتعمل ايه بالليل لازم تعمل اللي اتطلب منها بالضبط .... بعد ساعه وصلت ساره وقالت لها انت قلقتيني جدا بالمكالمه بتاعتك دي يا هند ايه اللي حصل بالضبط احكي لي ... هند :جات لي في الحلم تاني يا ساره نفس البنت اللي شكلها مخيف وطلبت مني طلب لازم انفذه يا اما هتاذي ايسل وانا مش عارفه انا هاقدر اعمل الطلب ده ولا لا ... ساره : طلب طلب ايه !! هند : مش هاقدر اقول لك طلب ايه لانها قالت لي الموضوع ده ما يخرجش بيني انا وهي ولو خرج هتاذي ايسل وانا لو ايسل جرالها اي حاجه عمري ما اسامح نفسي .. ساره : انت قلقتيني عليكي جدا يا هند اللي انت فيه ده نهايته ايه لازم تروحي لدكتور كويس و تتعالجي من اللي انت فيه الموضوع شكله مش موضوع عمل والكلام الفاضي ده انت شكلك عندك مشكله نفسيه ولازم تتعالجي منها ... هند : عندك حق فعلا يا ساره قالت كده ل ساره عشان ما تقعدش تتكلم كثير في الموضوع لانها زهقت من كتر الكلام ما بقتش عارفه تقول ايه للناس عشان يصدقوها جوزها وصاحبه عمرها ما بقوش مصدقينها خالص ومامتها وباباها مش هتقدر تحكي لهم اي حاجه عشان هم ناس كبيره ممكن يجرا لهم حاجه لو عرفوا اللي بيحصل لها فقررت هتخوض الحرب دي لوحدها ما حدش هيبقى عارف عنها حاجه .... ساره استاذنت منها انها هتمشي وهند وقفت تجهز الاكل عشان لما جوزها يجي من الشغل يلاقي حاجه ياكلها ... بعد ما جهزت الاكل فتحت الدولاب بتاعها ولقيت عبايه سمرا بتاعه مامتها قديمه كانت ناسياها عندها وطرحه لونها اسود جهزت هم مع بعض وحطيتهم في شنطه جنب الباب بتاع الشقه عشان بالليل تجهز نفسها وتروح المكان اللي اتطلب منها تروحوا وتخلص من اللي هي فيه ده بقى بس كان فيه حاجه جواها بتقولها بلاش و هي خايفه علي ايسل ... يتبع كتابات ل ghada saeed

Free reading for new users

Scan code to download app

App Store Google Play

Facebookexpand_more