Nanlaki ang mga mata ni Aarah nang makapasok siya sa loob ng mansiyon ni Bernard. Hindi lang pala ang bakuran ang malawak kundi maging iyon man ay nakakalula rin sa laki at ganda.
"Totoo ba ito? Hindi ba ako naeengkanto lang?" namamanghang sabi ni Aarah habang inililibot ng tingin ang lahat ng parte ng mansiyon na naaabot ng mga mata niya. "Parang sa TB ko lang ito nakikita, eh. Iyong mga prinsesa at prinsipe ang mga bida."
"It's really true, Aarah. Ganito kayaman ang Boss Bernard namin," may pagmamayabang na sagot ni C.
Noon lang napansin ni Aarah na wala na roon sina Clara at Bernard. Hindi na lang muna niya hinanap ang kaibigan dahil siguradong napapalaban ito ngayon ng paliwanagan sa nobyo. Nalaman kasi ni Aarah na pumuslit lang pala si Clara para tumulong sa pagligtas sa kaniya. Ka
