Kinabukasan ay maagang nagising si Aarah. Masarap kasi ang tulog niya kagabi. Sa totoo lang, simula nang makarating sila rito sa Mexico, kagabi lang naging payapa ang tulog ni Aarah. Siguro dahil alam niyang safe na siya. Hindi katulad noon kay Tio Jose na maya't maya siya nagigising, sa takot na baka bigla na lang may pumasok ng kuwarto at pagsamantalahan siya.
Pagkatapos umunat nang matagal ni Aarah ay sumilip siya sa bintana. Maganda ang panahon kaya binuksan niya iyon. Aksidenteng nahagip ng kaniyang mga mata si A na nakatayo sa ibaba. Kausap nito si E. Mukhang nagkakape ang dalawa habang nagkukuwentuhan.
"Nakakatuwa rin si Aarah, pare, 'no? Parang si Clara rin. Ang kulit-kulit pero masayang kasama. Maganda rin siya at sexy."
Kumunot ang noo ni Aarah dahil sa narinig. Siya pala ang
