Hanggang ngayon ay nahihilo pa rin si Aarah nang makarating sila sa malawak na bakuran ng mansiyon daw ni Bernard. Pakiramdam niya ay umiikot ang paligid. Para siyang sumakay ng roller coaster at kakababa lang. Ni hindi siya makatayo para bumaba ng sasakyan. Iniwan na nga siya ni Clara dahil kailangan pa nitong suyuin si Bernard, na galit na galit sa ginawa ng bestfriend niya.
"Ano? Wala ka bang balak na bumaba ng sasakyan? Naghihintay ka pa bang pagbuksan kita?"
Nagulat nang kaunti si Aarah nang mapagtanto niyang hindi pa rin pala umaalis ng driver's seat si A. Ang buong akala niya ay bumaba na rin ito kasama nina Clara at Bernard. Napapikit kasi siya kanina. At sa sobrang sama ng sikmura at ulo ni Aarah ay hindi na siya gaanong maka-focus sa paligid. Para siyang nasa ibang mundo. Hindi
