Lusianna
KAHIT sinabi ko na hihintayin ko si Baste na umuwi, hindi ko mapigilan na mag-search tungkol sa kanya. Bukod kay Frances Colmenares, may isa pang babae ang na-link kay Baste. This time, may kasalan talagang involved. Ganoon man, hindi pinangalanan ang babae at wala ring picture. Ang sabi sa isang article, secretive raw talaga ang pamilya ng babae.
“Adela,” sabi ko kay Adela nang pumunta siya sa bahay.
Hindi ako pinatulog ng mga articles na nabasa ko at kahit na gusto kong huwag pansinin ang mga iyon, lumalala ang aking insecurity.
Magaganda ang background ng mga babae, habang ako ay hindi ko malaman kung anong dapat kong ipagmalaki. Parang mas gusto ko na lang na hindi high profile ang asawa ko kaysa ganitong na-i-insecure ako sa mga babaeng nakakasama niya o nali-link sa kany
