Mabilis na lumabas ng kuwarto si Rick at ini-lock ang pinto. Pati ang mga bintana ay isinarado niya. Nalilitong napaupo sa sofa at naiiyak na nasabunot ang sariling buhok.
Ang akala niyang madali lang ay siya pa lang mas mahirap. Hindi man lang niya naisip na patay na si Jane at bangkay nito ang dadalhin niya sa bahay. Kinakabahang sinulyapan niya ang oras, ang oras na parang gusto na niyang tumigil dahil sa mga nangyayari ngayon, at alas tres kwarenta na! Kaya pala dalawang oras ang itinaning sa kaniya dahil sadyang napakahirap nito.
Paano niya ilalabas ang isang patay?
Nais na niyang magwala at sumigaw!
Kailangan niyang mag-isip. Tutal narito na ito at nagkasubuan na, hindi na siya maaaring umatras pa. Siya naman ang mamatay kung sakaling iiwan na lang niya ito.
Hindi na niya pinag
