Makalipas ang tatlong linggo…
Nagja-jogging isang umaga si Rick sa loob ng subdivision. At dahil naka-headset, hindi niya narinig ang paunang busina ng kotse sa kaniyang likuran. Nang ikalawa na, lumingon siya at bahagyag tumabi sa gilid para makaraan ang kotse. Subalit nang mapatapat sa kaniya iyon ay sinigawan siya nito. Ibinaba niya ang headset at nagtanong.
“Hoy, tanga! Huwag kang humahara-hara sa daan!” At inis na minura pa siya nito bago pinaharurot ang kotse.
“Yabang! May kotse ka lang!” sigaw niya. Pero mukhang hindi na siya nito maririnig dahil malayo na ang sasakyan nito.
In fairness, ang ganda naman talaga ng kotse nito.
Hingal na hingal siyang pumasok sa gate. Nagpupunas siya ng pawis sa buong mukha nang mapansin ang napakalaking garahe pero wala naman palang kotse.
Ang i
