Isinilid ni Rick ang bangkay ni Jane sa isang malaking maleta. Binali niya ang isang paa nito at isang braso dahil hindi magkasya. Halos maputol na rin ang leeg nito ng pilitin niyang isiksik ng maigi sa loob ng maleta. Ito na lang kasi ang nakita niyang medyo kakasya si Jane. Naiipit pa ang ilang hibla ng buhok nito habang isinasara niya ang maleta. Ginupit na lang niya basta ang buhok nito at ipinasok sa loob ng maleta bago pinilit muling isara.
Hindi pa rin kaya. Medyo malaman kasi ito kahit pa may kalakihan naman ang maleta.
Tumayo siya at sinampahan ang ibabaw ng maleta para umimpis kahit kaunti at pinilit na isara ang zipper. Sa ikatlong pagsubok ay napagtagumpayan niyang isarado ito.
Pawisan at hingal na hingal na itinayo at inilagay lang malapit sa pinto ang maleta. Bukas na
