HIS RUTHLESS WAYS
EPISODE 21
DRUNK
SIERRA CELESTE’S POINT OF VIEW.
BAKIT BA ako nagkakaganito? Hindi ko pa naman alam ang dahilan kung bakit nagkita at nagkausap si Aiden at si Miss Nica eh. Hindi na rin sila pwedeng magkabalikan dahil kasal na si Miss Nica sa kakambal ni Aiden na si Caden.
“Bakit malungkot ang pop star namin diyan?!”
Napakurap kurap ako sa aking mga mata nang marinig ko na magsalita si Sunny. Nakipagkita ako ngayon kay Sunny at Ace dahil matagal ko na rin silang hindi nakakasama. Nabusy rin kasi sila sa kanilang pag-aaral sa kolehiyo at sa mga gigs din. Nandito kami sa isang restobar na lagi naming kinakantahan noon.
Binalita ko rin sa kanilang dalawa na malapit na akong ma-debut at masaya sila para sa akin at excited na rin sila na marinig ang debut album ko.
