ALAS-NUWEBE naʼng umaga pero hindi pa rin ako lumalabas sa room ko. Nasasaktan pa rin ako na hindi tinanggap ni Collete ang pasalubong ko pero iyong kina mom and Callon ay tinanggap niya. Kaya nang magtanong si mom kung nakita ba niya ang pasalubong ko, sinabi niyang kinuha niya ito kahit hindi naman. Kaya ngumiti na lamang ako kagabi habang nasa dining hall kami.
Bakit kailangan niyang magsinungaling, ʼdi ba?
Ayaw niya ba talaga sa akin?
May nangingilid ng luha sa paligid ng aking mga mata nang biglang may kumatok sa pinto ng kʼwarto ko. Kung kailan nag-e-emote na ako, roon naman may kakatok. Pinunasan ko na lamang ang luhang tutulo na dapat sa magkabilang pisngi ko. Tumayo na ako at nilapitang ang pinto para buksan ito. Sa pagbukas ko ay nakita ko si Manang Sabel na nasa harapan ko at
