LUMALALIM na ang gabi pero heto ako at gising na gising pa rin. Kahit anong gawin kong pikit ng mga mata ko ay hindi ako makatulog.
Patuloy pa rin na bumabagabag sa akin ang napag-usapan namin ni Aeious kanina habang naglilinis kami ng kusina. Nang tanungin sa akin ni Aeious ang tungkol sa bagay na 'yon ay hindi ako nakakibo. Ang tanging nagawa ko lang ay mag-iwas ng tingin.
Dahil sa naging tanong ni Aeious ay mas lalo akong naguguluhan. Noong nakaraan lang ay naguguluhan na ako sa nararamdaman ko kay Aeious, pero pinili kong hindi isipin o pagtuunan ng pansin ang tungkol doon dahil ayaw kong malaman ang magiging sagot ko sa bagay na 'yon. Pero ngayong nagatungan ni Aeious, binabagabag na naman tuloy ako ng ideyang 'yon.
Hindi ko alam kung anong oras na ako nakatulog. Ilang oras pa akon
