Sa abot ng kanyang makakaya ay iniiwasan ni Alina ang makasalamuha si Noah. Ang binata man din ay halatang umiiwas sa kanya. Hindi na ito tumatambay sa bahay nila. Kung sinusundo o inihahatid man nito si Erica ay sinisikap nitong hanggang sa kotse lang ito. Sa parte niya naman, mas maaga na kaysa sa sa dati ang pagpasok niya sa university.
“May iwasan bang namamagitan sa inyo ni macho'ng pogi?” minsan ay makulit na tanong ni Bebing na isinawalang-kibo lang niya. Mas matipid na sagot, mas makabubuti.
Subalit dumarating talaga sa puntong nagtatagpo at nagtatagpo pa rin ang mga landas nila ni Noah. Kagaya ngayon, eksaktong lumabas siya ng pedestrian gate nang siya namang pagbaba ni Noah sa kotse nito. For a little while ay nagdugtong ang mga paningin nila pero siya din ang unang nagbawi. Na
