ALAS-ONSE na ng gabi nang makarating sina Jesilyn at Ryan sa hotel na tinutuluyan nila. Mula pa kanina habang nasa train ay walang nagsasalita sino man sa kanila.
Subalit ramdam ni Jesilyn ang mainit at nakakakuryenteng tensiyon sa pagitan nila ni Ryan. At kapag napapatingin siya sa binata at nagtatama ang kanilang mga mata ay nakikita niya ang mainit na emosyon sa mga mata nito na nagpapabilis sa t***k ng kanyang puso. Lalo na at naaalala niya ang halik na pinagsaluhan nila sa dalampasigan kanina.
Alam niya na may nag-iba sa relasyon nila. Hindi na lamang sila magkaibigan ngayon. Hindi na lamang simpleng pagkaaliw at pagkagusto ang nararamdaman niya para kay Ryan at alam niyang ganoon din ito.
At ngayong nasa tapat na sila ng silid ng bawat isa, hindi alam ni Jesilyn kung paano niya
