NAPALUNOK si Ezra at napaatras nang marinig ang tanong ni Blaze. Sabay silang maligo? Hindi kaya masyadong mabilis para doon? Alam niyang namumula ang tainga niya kaya't sinubukan niyang magtangatangahan kung anong naiisip.
"Ha?" tanong niya na nag-iwas ng tingin at nagkunwaring hindi naintindihan ang itinataong ng nobya.
"Sabi ko sabay tayong mag-toothbrush. Ito na lang gagamitin ko, medyo matigas ang nagamit ko sa guest room, e." Iniangat ni Blaze ang hawak na bagong toothbrush at saka ngumiti kay Ezra.
"Si-sige," tumikhim siya at saka nagbuga ng hangin. Bigla siyang nainitan dahil sa mahalay na naisip. Magsesepilyo lang pala sila ng sabay.
"Okay ka lang? Bakit parang inubo ka bigla?"
"Ha? Hindi naman, baka nasamid lang."
"Nasamid ng laway mo, gano'n?" pangungulit pa sa kanya.
"Na
