NASA eleganteng Dining Room ng mga Imperial ang mga nakangangang audience ng announcement ni Ezra. Ang sahig na gawa sa marmol ay parang mas lalong kumitab at ang chandelier na maliliit na kandelabra na may nakasabit na makikinang na kristal ay parang mas kumislap. May mga cathedral windows sa dalawang gilid ng dining Area habang ang oval na lamesang gawa sa makintab na mahogany na kahoy ay napalilibutan ng pulang upuan na may mataas na sandalan. Ang mga nakaupo sa lamesa na iyon ay tumayo at agad na lumapit kina Ezra at Blaze habang si Malik ay tumayo lang sa may gilid at hinintay na humupa ang kaguluhan.
Mabilis namang naka-recover si Emily sa pasabog na sinabi ni Ezra habang si Maine ay lumapit din sa dalawa at saka nagpabatid ng pagbati. Nang makayakap na sa dalawa ay bumalik na sa la
