KUNG hindi pa tinulungan si Ezra ng mga Bouncer para mabuhat ang nagwawalang si Blaze palabas ng banyo at papunta ng kotse niya ay baka hindi sila nakaalis sa Bar na iyon. Dahil hindi siya makalapit kay Blaze na hindi ito nagwawala, ang Bouncer na babae doon ang bumuhat sa dalaga at dinala sa sasakyan niya habang bitbit ni Ezra ang boots ng dalaga at ang cellphone na nabasag na ang screen dahil sa pagkakabato sa kanya.
Kalmado na si Blaze nang makarating sila ng sasakyan. Nang ilapag ito ng Bouncer ay saka lang nila nakitang nakatulog na pala ito.
"Salamat po ng marami sa mga tulong. Pasensiya na po sa abala." Pagpapasalamat niya sa dalawang bouncer na tumulong sa kanya. Ang lalaking kausap niya sa cellphone at ang babae na parang lalaki rin sa laki ng katawan na tumulong sa pagbuhat k
