Sabado at dahil walang pasok sa OMC ay nagpasya si Janel na umuwi ng Antipolo. Kahit nang nag-aaral pa siya sa kolehiyo ay ganoon ang palagi niyang ginagawa.
Alam ng kanyang tiyahin ang pag-uwi niya sa araw na iyon. Kausap niya ito sa telepono kagabi at nabanggit niya nga na nais niya munang umuwi sa kanila habang walang pasok sa kompanyang kanyang pinagtatrabahuan.
Nang una ay hindi pa ito sang-ayon sa plano niyang pag-uwi. Ayon dito ay manatili na lamang siya sa kanyang apartment o 'di kaya ay gumawa ng hakbang upang mapalapit pa sa mga Olvidares.
Hindi niya sinabi dito na higit pa sa pakikipaglapit ang nagawa na niya. Lucas confessed his feelings for her already. Kung sakaling tugunin niya ang damdamin nito ay iyon na ang pinakamabisang paraan upang mapalapit siya sa mga Olvidares.
