"Did I say something wrong a while ago, Janel?" usisa sa kanya ni Lucas sabay sulyap sa kanyang kinauupuan.
Kasalukuyan na silang nasa loob ng sasakyan nito at pauwi na. Marahan nang nagmamaneho ang binata at siya ay tahimik lamang na nakaupo sa may passenger's seat ng kotse nito. Halos maramdaman pa ni Janel ang maya't mayang paglingon sa kanya ng katabi niya mula pa kaninang pag-alis nila ng restaurant.
Kanina nga ay hindi niya sinasadyang mabanggit dito na nagmula siya sa Antipolo. Iyon naman talaga ang totoo. Lumaki siya sa Antipolo sapagkat doon nakatira ang tiyahin niyang nagpalaki sa kanya.
Though, Lucas was also right a while ago. Hindi nakalagay sa profile niya na ipinasa sa Olvidares Manufacturing Corporation ang tungkol sa bagay na iyon. Ang address ng apartment na kasalukuya
