Chapter 48
Rosalie POV
PAGDATING ko sa bahay, ramdam ko agad ang kakaibang tensyon sa paligid. Halos lahat ng mga kapitbahay namin ay nakikiasyoso at may nakita akong iilan na pulis. Wasak ang aming pintuan, sira ang mga bintana.
Kulang na lang takbuhin ko ang papasok sa loob ng bahay tumambad sa akin ang mga nagkalat at basag na mga gamit namin at nakita ko ang aking mga magulang na kausap si Julio ng masinsinan.
"Ano'ng nangyari dito?" tanong ko, habang mabilis na lumapit sa kanila.
"Nilooban tayo may mga lalaking nagpunta raw rito," sagot ng aking ina, halata ang takot at pag-aalala sa kanyang mukha.
Nagsasalubong ang mga kilay ko at biglang sumama ang pakiramdam ko sa narinig. "May nasaktan ba? Kayo, okay lang ba kayo, Nay?"
"Oo, anak okay lang kami. Mabuti na lang at wala kami
