Chapter 45
Rosalie POV
PASADO alas–diyes na ng gabi ay hindi pa rin ako dalawin ng antok. Bukod roon wala si Rune kaya lalong hindi ako makatulog. Pinatawag lang siya ng kanyang Daddy sa library hanggang ngayon hindi pa siya nakakabalik.
Pinagmamasdan ko ang dalawang batang mahimbing na natutulog sa tabi ko. Masasabi kong kontento na ako nitong mga nakaraang araw. Masaya kami na tila isang buong pamilya.
Excited rin ako sa papalapit naming pagpunta sa Bangkok pero bago 'yon magkakaroon muna ng party ang mansiyon. Isa rin sa dahilan kung bakit ako sobrang masaya dahil pormal akong ipakilala ni Rune sa lahat bilang legal na asawa.
Pinagdadasal kong hindi na bumalik si Celestine sa buhay nila. Masama mang hangarin pero sana 'wag na siyang bumalik. Bumangon ako at binuksan ang french door
