Naalimpungatan si Carmela sa kaluskos na hindi niya alam kung saan galing. Pagkamulat niya ng mata, napatingin siya sa bukas na bintana sa kaliwang bahagi ng kuwarto. Madilim na pala.
Napabalikwas siya ng bangon.
Nasaan na kaya sila?
Napatingin siya sa alarm clock sa bedside table, alas sais y medya na pala. Napahaba pala siya ng tulog. Umihip ang hangin kaya napatingin siya ulit sa bukas na bintana. Tipikal na bintana na nakatukod ito. Tumayo siya at lumapit. Isasara sana niya ito dahil mahamog na. Subalit, pagkahawak niya sa tukod, napatingin siya karimlan, isang napakagandang babae ang nakatingin sa kaniya!
Sino siya?
Nakatingin lang ang babae sa kaniya at mayamaya pa ay ngumiti. Nakatulala lang siya at hindi magantihan nang ngiti nito. Para kasing may iba sa babaeng ito. Basta, p
