"Ruby, sa tingin ko kailangan mong lumipat ng ibang location na matitirahan, hindi p'wedeng malapit ka sa anak ng target, malalaman niya ang bawat galaw mo," suhestyon ni Mike na ikinatahimik ko.
Napapaisip din ako, tama siya hindi p'wedeng malapit ako kay Harley, hindi ko mawari kung sinadya niyang lumipat dito sa condo building na tinitirhan ko katapat pa mismo ng unit ko matapos niya 'kong makita nung gabi ng party.
O baka naman coincidence lang ang paglipat niya? Ah basta! Kailangan ko pa rin mag-ingat.
"Pero hindi ba mas magiging madali kung kukunin ni Ruby ang loob at tiwala ni Harley para mas makakalap pa tayo ng impormasyon tungkol sa pamilya niya?" suhestyon naman ni Dana.
May punto rin naman si Dana, kung tuluyan kong makukuha ang tiwala ni Harley, pwede ko siyang gamitin la
