Subo
Kahit noong nasa bahay na ako kasama si Mama ay namalagi sa aking utak ang sinabi ni Israel. Maghihintay siya roon sa akin bukas.
Alam ko namang kaya siya lumalapit sa akin ngayon dahil sa nangyayari kay Ate Rici at Kuya Bram. Sigurado akong magtatanong iyon ng mga impormasyon kay Kuya at baka may iba pa siyang dahilan. Sige rin naman kasi normal iyong biglaan niyang pagbait sa akin. Sa tinagal tagal ng pagbabanggaan ng aming mga mata, sa tinagal tagal ko na rito at tinitingnan lamang siya sa malayo, ni minsan ay hindi niya naman talaga ako napansin. Ngayon lang ata...
"Mama bukas... Pupunta ka ba sa bayan? Magtitinda ka ng mga bulaklak?" tanong ko sa aking ina habang nasa lamesa kaming dalawa. May mga hinihiwa siyang gulayin.
"Oo. Mas mabenta ang bulaklak tuwing linggo. Sa hapo
