PAGDATING NI YVONY sa bahay nila ay dumiretso lang si Dior sa kuwarto ni Ylo at doon inilabas ang lahat ng hinanakit sa puso nito. Napatingin sa kaniya ang pamilya niya nang dumating sila roon na umiiyak. Ni hindi na bumati si Dior noong pumasok ito at naiintindihan na iyon. Nakikita naman sa mga mata ng pamilya niya ang pagtataka kung bakit sila umuwi. Hindi lang basta umuwi, umiiyak pa.
Nilingon ni Yvony si Ylo at sinenyasan niya ito na lumapit sa kaniya. Pagdating nito sa tapat niya, inabot niya ang susi ng sasakyan ni Dior dito.
“Pakibukas ng likurang bahagi ng sasakyan ng Kuya Dior. Then ilabas mo ang mga maleta. Mga gamit namin iyon dalawa ni Dior,” sabi ni Yvony. Nilingon niya sina Yassi at Ysabel. “Tulungan ninyo ang bunso. Salamat.”
Pag-alis ng mga kapatid niya, agad na umupo
