DALAWANG BUWAN MATAPOS ang pagtatapos nina Yvony at Dior, hindi muna sila naghanap ng trabaho at napagdesisyunan nilang dalawa na tumambay muna para ipagpahinga ang puso at isipan nila. Pero kahit nasa bahay lang sila ay may pinagkakaabalahan din naman sila. Ito iyong pinapagawa nilang bahay. Pinabago ni Dior ang bahay ng pamilya niya. Mas pinalaki iyon para mas maging kumportable sila. Kung dati ay tatlo lang ang kuwarto nila, ginawa iyong apat ni Dior. Tig-iisa na ng kuwarto ang mga kapatid niya. Noong una, tinanggihan niya ang gusto nito pero nagmamatigas ito kaya wala siyang nagawa kung hindi ang hayaan na lang ito.
Papatapos na rin ang pangalawang palapag ng bahay nila kung saan ito iyong magiging kuwarto nila. Isang malaking kuwarto lang doon at malapad na balkonahe. Sa totoo lang,
